上海婆婆 (黃大仙中心北館)

营业中

休息中

朋友外游回港，相约饭聚兼派手信，友人爱吃上海菜，上网search到黄大仙中心新开咗间「上海婆婆」，餐厅主打传统上海菜，店内环境宽敞，装修骨子，座位阔落，好适合同三五知己嚟聚餐。上海小笼包一笼有4只，上台时热辣辣，外皮厚薄适中，入口有韧性，足够承托住啲汤汁，肉馅用新鲜猪肉炮制，入口味道好鲜甜，点少少醋食，更添风味！砂锅原条黄鱼云吞汤，黄鱼原条上，两面都煎到金黄色，鱼肉鲜味幼滑，汤底鲜甜；云吞大大粒，皮薄馅靓，饱满又多汁。婆婆担担面，拣咗唔辣，汤底有水准，入口充满浓郁花生香。面条Q弹有劲，顺滑又挂汤，配埋鲜美嘅肉末一齐食，滋味满分。甜品点咗客高力豆沙，即叫即炸，外皮胀卜卜，入口软绵绵，充满蛋白香，加上内里甜而不腻嘅豆沙馅，绝对系诚意之作。