地茂館甜品

营业中

休息中

系九龙城食完晚餐意犹未尽，咁啱行过见到呢间老字号既港式糖水铺，就决定黎叹返个糖水。✨花萁参炖雪梨天气又干又冻，所以拣左个花萁参炖雪梨润下。呢到既炖品都系原盅炖，睇落非常唔错。一入口就已经有甘香既花萁参，之后有雪梨既清甜，饮落唔会好甜。盅内除左有半个雪梨之外，仲有啲南北杏、桂圆肉等。✨桂花姜汤芝麻汤圆一入口够哂姜味，正呀！一直都觉得饮姜汤一定要够辣，咁样饮完个身会暖笠笠。但系就饮唔太出桂花味。汤圆非常烟韧，皮薄，而个饀有好香既芝麻味，食落仲会有砂糖既沙沙口感。不过个人觉得加埋汤圆，成个糖水就有少少甜得滞。