鮨政

营业中

休息中

已经好耐冇嚟过上环呢边食寿司，以前仲喺中环返工嘅时候，成日都会过嚟上环呢间sushi masa食晏昼，因为最钟意佢啲嘢够新鲜，同埋加上系日本师傅主理，所以品质一定有保证！而呢度每月都有限定优惠，今次都唔例外，Follow餐厅IG 即送一客蕨饼，作为完美嘅ending。我地两个人今日真系好好彩，我朋友吧枱最后两个位。坐低之后睇咗一阵Menu，其实都好多lunch set options，最后都系选左个sushi set，沙律、蒸蛋、乌冬同埋10件寿司。我觉得呢间寿司店最好嘅就系去属于传统寿司店，所有嘅寿司都唔会有过分嘅装饰或者调味，真系俾你食到好纯粹嘅鱼生嘅鲜味，尤其是系个吞拿鱼，我好耐冇食过啲咁浓味嘅吞拿鱼，海胆同toro都好出色。甚至乎个乌冬我都觉得好好食，佢唔系好咸，汤底真系超级淡，但系就系因为咁样，令到你更加Focus on 乌冬本身个口感。