保頓冰室

营业中

休息中

今日去到一间尖沙咀好传统装修嘅冰室保顿冰室食下午茶，首先当然要食吓新鲜出炉嘅脆皮牛油蛋挞，店员介绍单叫比下午茶餐抵食，系新鲜出炉，饼底脆口，蛋味浓郁嘅蛋挞。生炸鸡髀配沙律🥗，其实可以叫薯条嘅，不过突然间想食吓沙律中和下啲热气，炸鸡髀炸得刚刚好，唔会太油个皮都好脆口，又够晒大只。 保顿猪扒包猪扒大块，仲有好大块芝士，包皮都好脆，下午茶加$3饮品可以转冻饮，要左冻杏仁霜都好大杯。雪糕菠萝包，有两个雪糕球，雪糕球甜度适中，配埋个菠萝包一口咬落去又有菠萝包又有雪糕咁食先至正！瑞士汁鸡翼，一碟有两只鸡全翼，够晒入味。法兰西多士，一睇就知道系好传统嘅西多士，西多士入面有满满嘅花生酱，仲要用好传统嘅糖浆樽装住啲糖浆，够晒怀旧。