奇趣餅家

营业中

休息中

奇趣饼家都真系食左好多年，基本上每次去旺角都会买！平时成日买佢地嘅合桃酥、鲍鱼酥、皮蛋酥、红豆烧饼同椰挞仔，不过最近一次去嘅时候，佢地话已经冇再做椰挞仔啦合桃酥 - 最钟意嘅一款！好香，味道同口感都好，系我暂时食过最满意嘅合桃酥，每次都忍唔住食晒成旧鲍鱼酥 - 酥酥脆脆，咸咸甜甜嘅，比合桃酥痴口，但都唔错！皮蛋酥 - 味道同口感都OK，入面嘅皮蛋唔会太细旧红豆烧饼 - 亦都系几钟意嘅一款！红豆馅唔会太甜，口感软糯，暖笠笠，几新鲜（强烈建议大家即日食完佢）另外蛋散同角仔都唔错，都可以试下！临近中秋节佢地仲会做月饼同棋子饼，用月饼皮做嘅棋子饼冇馅，较痴口，但奇趣饼家嘅棋子饼有几个唔同嘅款色，例如佛公仔、猪仔、鱼等等，其中嘅「佛公仔」几得意，所以如果我个段时间咁啱去奇趣饼家都会买！