愛群餐廳

营业中

休息中

呢日同大少小妹去长沙湾影学生相，顺道带佢哋嚟传统扒房，食个扒餐，等佢哋感受吓妈妈细个去食西餐有几开心。呢度装修有怀旧特色，黑色嘅格仔梳化同绿色嘅座椅，有格调得来又有怀旧风。我叫咗两个精选牛柳餐，同佢两个食。先来个餐包，热辣辣，好松软。餐汤我叫咗一红一白，两款都好饮！红汤足料，白汤够滑。七成熟牛柳好厚又腍好易切，重牛味，配埋特制蒜蓉汁，好入味，因为啖啖肉，佢哋食得好开心。最后亦都系今餐嘅重点——啫喱。啫喱内有杂果，好难得！我教佢哋好似我细个咁，落花奶一齐食，甜甜地又有奶味，佢哋都好钟意食！