蛇王芬

营业中

休息中

冬天真梗系要食蛇羹！嚟到中环，个个都会嚟蛇王芬食！平时好少食蛇，见今年真系好冻，所以就想试吓！呢间餐厅系一间有历史嘅餐厅，基本上游客呢度都会食，反而我呢个香港人从来都未食过🤣餐厅嘅装修系有一种怀旧嘅感觉，但都唔会觉得污糟，反而觉得好有feel!我哋叫咗一碗细蛇羹.本身都唔知道会系啲咩味，原来都几似鸡肉，当然入边一定有沟鸡肉丝，识得出入边有陈皮！食完个感觉好补身！我哋仲有叫咗个糯米饭以为细细碗，点知劲足料！入边有超多腊肠同润肠，啖啖都有料，超丰富！糯米又好冧！我哋再叫左啫啫鸡煲！超香！原来系传统做法，有埋猪润！超惹味！如果无叫糯米饭，系应该叫白饭配！原来餐厅开始转型，有好多新派菜式，但我哋发现得太迟，下次再黎试下