順流精品咖啡

营业中

休息中

最近深水埗开咗好多小型咖啡店，每一间咖啡店都好有特色。今次嚟咗顺流咖啡店，餐厅嘅装修非常特别，净系餐厅门口个闸都已经好有格调，用上左香港传统嘅铁闸，吸引咗我去试呢间餐厅。入到餐厅见到地下嘅地砖系好传统嘅黑白地砖，感受到设计者非常有心思。🍝蒜蓉菠菜杂菌青酱意大利面 $78菠菜杂菌意大利粉捞埋蒜蓉粒，非常惹味。🐮生酮草饲牛扒全日早餐 $180块牛扒真系好大份，好彩去之前冇食到任何嘢，如果唔系都惊食唔晒。入边仲有牛油果、蕃茄、杂菌同炒蛋，非常丰富。🥞顺流热松饼 $138松饼好松软，甜甜地，又够厚。入边有蓝莓同士多啤梨同埋果仁，配埋雪糕一齐食，几好味。☕️1+1 Combo $58一杯expresso 加一杯piccolo ， 餐厅自调嘅咖啡豆偏酸，有少许苹果味同莓味。☕️Affogato $45用咖啡同雪糕整嘅Affogato就见得多，但今次呢间餐厅有得拣Hojicha，所以我就拣咗Hochija。将热辣辣嘅浓郁Hochija，淋上意大利雪糕上边，又几特别。