順德公漁村河鮮酒家

营业中

休息中

今日同朋友嚟咗顺德公渔村食饭，食传统顺德菜，我哋拣咗个$680嘅套餐B,望到餐牌觉得好丰富！呢个套餐B入面，我最钟意食嘅系「虫草花天麻炖大鱼头汤」，个汤底够晒真材实料，煲得够入味，饮落去好鲜甜，而且仲有啲中药嘅香味，饮完成个人都暖晒！另外，个「蒜子生扣脆肉风鳝皇」都好好味！条鳝肉好爽口，蒜香又够浓，食落去好开胃惹味，真系食到停唔到口！鱼汤腐竹浸胜瓜：个汤底好浓郁，啲腐竹吸晒啲汤汁，食落去好滑！巧手千岛大虾球：大虾肉质弹牙，个酱汁又酸酸甜甜，好开胃！环境都几舒服，好有传统古色古香，服务员态度又好，充满人情味，仲送埋甜品黄金糕，超烟韧，依家真系好难得食到。整体嚟讲，呢餐饭真系食得超满足！