源記甜品專家 (已結業)

喺西环放工，食完正餐之后就要食埋西环历史悠久嘅甜品铺 — 源记甜品专家。平日晚上7点，未到甜品时间，所以有好多位。见到餐牌嘅传统中式糖水，全部都好想试。最后拣左桑寄生莲子蛋茶，印象中好似系第一次食，因为惊体虚嘅人唔适合饮，原来桑寄生补肝肾、强健筋骨，女性可以调经，怀孕女士可以安胎。咁多好处紧系要试试。桑寄生莲子蛋茶 Mistletoe with Lotus seeds and egg sweet soup ($39)桑寄生饮落有啲似凉粉，糖水清甜，莲子稔同甜甜地。个蛋仲正，腌得好入味，睇相见到个蛋黄就知。成个甜水好饮又好食！合桃露配莲子Walnut sweet soup with Lotus seeds ($39)合桃露超香，滑溜，配埋稔身嘅莲子增加咬口。两个甜品都咁好饮，可惜有啲细碗同贵，不过都会揾多几次来试埋其他。