源記甜品專家 (已結業)

現實真沒有「萬壽無疆」。香港古老和歷史悠久的甜品店─源記甜品，結業。店家由1855年開始做甜品，也敵不過歲月。.記憶中，店家早有「碗面識別」，「黃萬壽」是桑寄生蓮子蛋茶，底部以一個銻架托碗，使招牌名乜更招牌，另外「紅萬壽」呢？就是杏仁露。收銀、夥計一看就知龍與鳳。.然而這個光景已消失，只靠相片回想老舖的日常。

冬天最愛去的甜品鋪🥰最近有傳話佢要結業😭😭😭 希望唔係真啦 首先佢的裝修已經係好有百年傳統味道，每次去我都回憶到細個同婆婆一齊的時候，好鍾意佢地仲保持住依種傳統的裝修，一碗一碟都有傳統感覺全蛋雞蛋糕香滑芝麻糊香滑燉雞蛋老老實實個雞蛋糕係乾同硬身的，但就係以前同婆婆一齊食的味道🥺芝麻糊同燉雞蛋甜度適中，都好滑，是百年傳統味道，是兒時回憶，是香港傳統味道依種糖水鋪香港愈來愈少 凍天想食滋潤糖水 我老遠都入黎食嫁❤️

平日專誠由九龍到西環此店，食一碗鎮店名物，桑寄生蓮子旦茶，必須要付出多廿多元，才可以品嚐到此碗美味甜品，難得在12月19日，特區政府推行，免費乘搭公共巴士措施，就籍此難得機會，到此店食好嘢喇喂，老實講，自從由198O年開始，初嚐此碗桑寄生蓮子旦茶，感覺驚為天人外，呢幾拾年比店呢碗出品客就越來越差，但價錢就越來越貴，但話雖如此，雖然此店嘅桑寄生蓮子旦茶，質素大不如前，但市面上卻揾吾到一碗，比佢更強嘅同一食品，尤其是隻旦，更係人間妙品，別間甜品舖，未有一間能做到，超越源記，水準的桑寄生蓮子旦茶

每次到西營盤必食的甜品！每次過來門口都有人排隊，疫情期間亦是如此！最出名係雞蛋糕同桑寄生雞蛋茶，但桑寄生我麻麻，每次必點雞蛋糕！雞蛋糕係全蛋製成的傳統中式蛋糕，無奶無牛油，材料簡單，但做到幾十年如一日的好味卻實屬難得，入口滿滿雞蛋的清香味，不會太淡及太甜，味道剛剛好識食一定要點蛋糕邊，不過唔系每次都有。芝麻糊係用真材實料磨成碎粉製成，不是用粉開，無顆粒質感，口感夠順滑，不太甜，有芝麻香味！紅豆沙溝綠豆沙，煲得好淋，起嗮沙，但偏甜少少。

好耐冇出西環，唸住餐後同Fd食下中式糖水啦，點知真係自己拿來😓唔會再去。坐低睇住個menu，心唸價錢係中式糖水入面都算唔客氣喔，openrice又有咁多like，咁出品應該有返咁上下啦，事實證明我地都係太天真。個紅豆沙，oh 應該叫佢紅豆湯，稀到一個點，甜到漏，仲要完全冇沙。蓮子核桃露，公道D講蓮子係OK既，核桃露一樣稀到令你懷疑自己食咁既係有核桃味既甜湯。甜可能老人家鍾意掛，我可能未到個年紀真係接受唔到咯。清水雞蛋糕，話係蔡瀾推薦仲要係名人至愛，吹到咁一定試埋。點知又中伏，尼D唔係隔夜有甜味個D饅頭來既咩，名人既味覺真係與眾不同D，可能我出唔到名就係因為我嘴刁😥

第一次寫評價就係俾左黎間店鋪。估唔到38蚊蓮子綠豆沙，有屈指可數嘅綠豆，唔係沙，真係湯。38蚊咁嘅糖水，仲係老字號，真心失望。價位極高，食物數量極差。重點係，唔係只得一樣差，係樣樣都差！！紅豆沙（$28） & 綠豆沙（$38）只有水同糖，連豆衣都沒，更唔好提有沙。杏仁糊（$42）：似豆漿水多過「杏仁糊」咯核桃糊（$40）：糖+水+調色粉，簡直係搶錢雞蛋糕：又一個大伏，似係前一日沒賣曬放到第二日繼續賣的質素。又干又沒蛋味，要放係糖水度浸過先吞到。一間糖水店竟然沒有一樣糖水可以及格，都頗失敗。

源記甜品專家 又嚟試下一間老店雞蛋糕賣曬 所以桑寄生蓮子蛋茶 我地都決定下一次先再試 今次就叫左燉蛋 合桃露 同埋杏仁露燉蛋燉得好滑 甜度適中 幾好味合桃露 同埋杏仁露 呢兩樣都比較普通 味道亦唔太出 冇下次lu…唯有下次再試最出名嘅 桑寄生蓮子蛋茶 同雞蛋糕 希望可以為老店加返dd分*佢地既蓮子整得好鬆化 蓮子好味用既碗都好傳統 影相打卡係靚嘅PS岩岩又去左轉源記 當時12點幾 已經開左門但我地走到入去 就問我地 堂食定外賣 我地話堂食 食桑寄生蓮子蛋茶點知佢地話未有 又一次冇得食

呢間糖水鋪之前好出名！某日經開西環即管買個外賣試下。舊式舖頭望落簡潔光猛冇任何花巧，出品應該老老實實？！試下期待已久既味道！先講價錢要成＄39蚊一碗紅豆沙諗住一定有番咁上下水準🤔點知一試難忘😒，未食過啲好似埋左獻既紅豆水，仲要超細碗，無沙無渣！實情個老闆同師父有無試下食㗎？！怪唔知得五点幾一個客都無🙄伏左！做生意出左名都要顧下良心？！客人真金白銀，理應真材實料！極之失望，總之唔會有下次。呢＄39蚊當買個真相

喺西環食完晚飯後，沿途經過這間糖水舖，外表有著傳統老店既裝潢，又見到舖頭內有好多人光顧，一於入去試一試，感受傳統老店既氣氛。1. 蓮子合桃糊合桃糊質地較稀，蓮子都煲得較淋，但合桃糊味道未算十分香濃幼滑。2. 桑寄生茶桑寄生茶味道有點太甜，可以減少一點糖既份量。3. 雞蛋芝麻糊芝麻糊質地也是偏稀，芝麻味一般，如合桃糊一樣，未算十分香濃幼滑。整體平平，不過不失，但略嫌有一點失望，價錢相對偏貴，但未能使人留下深刻的印象。

After a poor experience at “Sweat Dreamer Dessert” in K-town, I’m glad that I ventured further to Sai Ying Pun area to have great quality dessert.Old school HK dessert, freshly made with friendly service. Now I have a satisfied tummy without the bs from the previous shop.Highly recommended.

喺西環放工，食完正餐之後就要食埋西環歷史悠久嘅甜品鋪 — 源記甜品專家。平日晚上7點，未到甜品時間，所以有好多位。見到餐牌嘅傳統中式糖水，全部都好想試。最後揀左桑寄生蓮子蛋茶，印象中好似係第一次食，因為驚體虛嘅人唔適合飲，原來桑寄生補肝腎、強健筋骨，女性可以調經，懷孕女士可以安胎。咁多好處緊係要試試。桑寄生蓮子蛋茶 Mistletoe with Lotus seeds and egg sweet soup ($39)桑寄生飲落有啲似涼粉，糖水清甜，蓮子稔同甜甜地。個蛋仲正，醃得好入味，睇相見到個蛋黃就知。成個甜水好飲又好食！合桃露配蓮子Walnut sweet soup with Lotus seeds ($39)合桃露超香，滑溜，配埋稔身嘅蓮子增加咬口。兩個甜品都咁好飲，可惜有啲細碗同貴，不過都會搵多幾次來試埋其他。

曾經每星期都專登嚟食糖水，記得門外經常停泊名貴汽車，店舖不大，主打中式糖水特別是桑寄生蓮子蛋茶，味道清甜唔會太膩雖然$37/碗唔平，桑寄生蛋要另+$8，千祈唔好嫌貴，呢隻蛋好重要，超級好味😋記得先把蛋分開放係碗浸埋糖水一齊食，蛋應該浸左桑寄生茶內，勁入味👍🏻鎮店之寶，必食之選😙😙😙合桃露$37⋯⋯淡到唔覺食緊糖水，勁之失望😞講真唔值，山長水遠嚟食就唔使🤭全蛋清蛋糕$8/件，又乾又鞋，不知所謂😡😡😡事隔30年都冇進步，失望😞唔會再特登嚟，經過就食埋呢一次👋🏻👋🏻👋🏻

真係好慚愧，食左幾拾年源記鎮店之寶桑寄生蓮子旦茶，都吾知道個最佳食法，次次都先食左隻旦，跟住食蓮子最後先飲埋碗内嘅桑寄生茶，原來呢種食桑寄生蓮子旦茶食法是未能品嘗到該碗茶的最佳味道，直至最近在TVB電視劇集睇到歐陽震華教楊卓娜，將隻旦弄碎再混和碗内的蓮子及桑寄生茶，一齊入口食個口感及味道都比每樣食材分開食好，為左印證事實真偽4月23日特登同老婆去源記用呢種混合式方法食左碗桑寄生蓮子旦茶，一試之下真係個口感及味道比我以前的食法都好上幾倍，多謝歐陽震華教曉小弟点樣食桑寄生蓮子旦茶，值得向網友推薦，但在此向網友提點源記的桑寄生蓮子旦茶確是超班但其他糖水就平平無奇，相對來講價錢仲偏貴，所以我每次到源記衹會食一碗桑寄生蓮子旦茶及一件清旦糕吾會食其他野，因為試過好失望。

去呢間糖水舖食甜品已經係上星期嘅事，但係印象仍然深刻✨我哋叫咗芝麻糊、杏仁茶、合桃糊。三碗都係我至愛，但無理由整個「大混雜」㗎🤣當我問大叔「可唔可以兩種混合㗎？」佢答我「唔得bor!不如你係另外兩個人度偷幾啖，咁埋「大混合」囉！」大叔都幾有道理當糖水們嚟到嘅時候，我先整返啖...嗯~好熱！！🤣🤣🤣怪不得佢有個特別設計，下有鐵盤，上有瓷碗，聰明喔！！By the way, 嚟到嘅時候大叔仲提我記住偷幾啖。依家出去食糖水，仲邊度會有人咁好同你吹多兩句水呢~留意下周圍，你仲會發現到有不少老人家係度食糖水，相信都係街坊。 雖然價錢係偏貴，但係嗰度有啲連鎖店食唔到嘅味道，就係人情味啦~

一直都想試試這間傳統糖水店，因為之前很多人說店很傳統，在西環很出名。今日趁經過西環，順道去試一試。我和友人點了芝麻糊和合桃糊,再加一個人人都話要試的清蛋糕。老實說比我預期有點出入，芝麻糊和合桃糊感覺上應該會再濃些，清蛋糕應該有多點蛋味。CP值比教差。不過如果經過開，都可以試一試。