華香雞 (已結業)

今日系观塘探完爷爷，去到工厦区揾野食，屋企人话附近有间老字号食华香鸡好出名，仲讲述到曾经华香鸡系有好多分店，系间平民食堂。华香鸡 （例牌 ）鸡件好滑，薄薄一层鸡皮，并没有过多肥膏，怕油怕肥既朋友都可以成旧食到，例牌份量都唔少，两个人食岩岩好，提供左三款酱料可以配搭黎食。煎黄饭 饭煎得好香，黄饭姐系落左姜黄去炒饭，加配椰菜同蛋，蛋好入味，而饭带阵阵姜黄香，锅底仲有d饭焦。椒盐九肚鱼 非常足料，炸粉唔太厚，外层香脆，鱼肉嫩滑，因件数都几多，食多左会觉得有少少油腻。建议人多点呢个就无问题。价格合理，唔洗下下系大商场食饭，支持下老店都唔错。