鳳城酒家

营业中

休息中

今日做孝顺女同阿妈去饮茶，阿妈好想食传统嘅灌汤饺，于是就特登过海去到北角一间传统茶楼叫凤城酒家去下佢哋嘅𩠌菜。妈妈就经常食呢间餐厅，但系我就第一次去，所以我对餐纸上嘅点心都好好奇😯我哋两个人叫咗六碟食物，有蛋黄千层糕、芋丝春卷、凤城灌汤饺、猪肚、猪润烧卖、上汤炸粉果。灌汤饺系入面有汁既好特别，值得一试！蛋黄千层糕喺好多年前系茶楼既名物，但系而家真系买少见少，好欣赏凤城酒家仲保留呢道点心。猪润烧卖对猪润控都系必叫点心之一，猪润大大块，性格比绝对高！猪肚亦都好爽好淋好入味！上汤炸粉果细个去饮先成日食，而家去朋友婚宴就唔多见，黎呢度又可以衬机会试下见到围住我地坐果四枱客都有叫芋丝春卷，于是我地又叫埋试下！无后悔可以encore 🤓🤓佢啲炸物系新鲜炸起，唔怕中伏！现场的装潢都好怀旧，但唔代表唔卫生！门口有消毒搓水液同酒精，可以任用！