光榮冰室 (鴻威大厦)

营业中

休息中

最近食紧低糖饮食，尤其是和同事一齐食午饭，喺街食唔系咁容易，好多食物都要拣嚟食，但系茶餐厅里面都有好多选择，咁我今日就系推介好多人都好钟意嘅茶餐厅光荣冰室，佢出名嘅系抵食夹大件！而当中佢最出名嘅系秘制豉油加葱油汁，但系因为食紧低糖饮食，所以我就放弃咗食我最爱嘅三蛋饭，咁我主要系想推介呢个巨型叉烧奄列真系好大份，仲有中间切开牛油方包，如果系生酮饮食嘅朋友就唔好食个面包啦，可以同职员讲唔需要个包，一般人其实就咁食一份就会饱肚，但系我贪心少少叫多个炸鸡髀佢可以跟薯条或者沙律，由于低糖饮食，所以我都系避开薯仔，饮品当然都要无糖啦，所以叫唔到我最钟意嘅鸳鸯，而我选择咗冻柠茶走甜，一样都系香港人嘅最爱