順德公漁村河鮮酒家

营业中

休息中

顺德人去食顺德菜，至爱饮呢个虫草花天麻炖鱼头汤，四个字：真材实料，亦够火候，钟意佢好浓药材味，忍唔住连鸡脚都食埋，饮咗两大碗。秘制少林檀香骨，啱晒喜欢食甜野嘅我，酱汁有D特别，肉质又几淋易咬，D鲜菠萝仲俾我清晒添。云腿西兰花带子皇，带子唔韧，水准可以啦。富贵煎酿三太公，我梗系最like 莲藕啦，辣椒够辣所以都好，至于棱鱼球，一定好食，因为我果粒唔知俾边个食埋。又有汤饮？哦，原来系特色翅汤枱面蒸山坑魭鱼，哈哈，枱面蒸？原来似打边炉咁，煮好九成，再上枱慢煮，果然系店内特色招牌菜，唔食得都睇得。D汤好甜，好少食淡水鱼，😱😱😱条鲩鱼好滑呀，我平时除咗刺身，唔系几好食鱼，不过食咗好多，差不多食完先发觉自己未点过蝶辣椒豉油😅我认为应该要带屋企d老人家黎食，好有风味——味道。