上海婆婆 (黃大仙中心北館)

营业中

休息中

一直都好钟意中菜但平时唔多会食得到，餐厅位于黄大仙中心，主打多款正宗嘅上海菜，环境优雅，座位舒适，地铁站一出就到，超级方便，而且食物价钱亲民，好适合带屋企人嚟聚餐。凉菜有鱼籽酱熏蛋，流心状态，切开对半，味道唔算好浓，作为前菜都可以。江南小排骨有惊喜，肉质嫩滑多汁，啖啖肉，酸甜开胃，令人一试难忘。汤品有砂锅云吞鸡，细份都唔少，有成足足四碗嘅份量，里面有三粒大云吞，皮薄馅靓，鸡肉唔嚡，娃娃菜煮至软身，整体饮落清甜，十分美味，下次会想试埋其他款式。菜有手撕包心菜同黄金四季豆，前者新鲜入味，而且唔算好油，健康又有营养、个人更喜欢后者，上枱时香喷喷，每条都沾满咸蛋黄酱，而且带点沙沙嘅口感，值得一试。