勝發餅家

营业中

休息中

人大到某个年纪，总会想揾番儿时味道。有趣嘅系，往往唔单止只系想揾味道，而系揾个种情怀。其中一个我好钟意去嘅地方系旧式饼舖。当然有时遇到一啲唔系几好脾气嘅老板，但更多情况系充满街坊街里之间人情味。喺锦上路就有呢一间胜发饼家，往往令人回味儿时味道！唔单止里面嘅装修，用嘅饼盘，面包摆嘅饼柜，都系充满儿时回忆！当然不可不讲嘅系当中最出名嘅忌廉筒！而家真系买少见少。一口气买咗6个，就可以同人分！外表睇嚟冇乜特别，但即使隔咗一阵先食，一开合，好香！食落外皮依然好脆。里面嘅忌廉都唔会太甜，而且由底吱到面，一啲都唔孤寒！绝对值得一试！