海 (已結業)

喺个人重未有得飞之前，唯有得闲食吓家乡嘢止吓喝😎今次去咗食Omakase Lunch, 虽然而家愈嚟愈多地方食Omakase，但「海」确实系又传统又有质素嘅少数，「海」虽然只有10个位，但系楼底超高，所以仍然坐得好舒服，当日可能系平日加上我哋食1:45𠮶塲，全场得我哋两个，入到去日本老师傅已经好有礼貌咁同我哋打招呼跟住讲咗一大堆日文（可能见我隔篱𠮶个成个日本妹咁😂），当然后来知我哋唔识日文，就同我哋讲英文同简单嘅中文👍🏻因为得我哋两个，老师傅全程喺我哋面前好有心机慢慢整慢慢讲，而师傅整完每一件唔会用碟上，系直接放喺前面嘅枱面（呢个就系传统啦），所以每个人额外都会有一张放得靓靓嘅湿纸巾，俾有需要嘅时候可以自己清洁一下佢嘅鱼生非常新鲜，八件寿司由淡到浓味咁出，再加上师傅特别每一种都会配上一啲好简单嘅调味或者汁料，令到更加突出到每种鱼生嘅鲜味，之后仲有一个手卷，当日系「海胆」，真系唔系讲笑，海胆系多个饭，由外层紫菜咬落去淡淡都系鲜甜嘅「海胆」，真系超满足，到最后有抹茶朱古力收尾，真系好圆满🥰