元朗合隆潮州粉麵 (創德樓)

营业中

休息中

试咗呢一间装修几有特色嘅面店，第一次帮衬梗系试下佢啲招牌嘢。鲜牛肉沙茶酱捞面配紫菜黑豚肉饺汤。牛肉质素唔错，系个沙茶酱比较普通，最主要系唔够香。紫菜黑豚肉饺汤亦都冇乜特别，感觉就系味精汤加啲紫菜加啲黑豚肉饺咁啦，不过啲𩠌又算系多嘅。不过我觉得成件事最奇怪就系作为一间面店，呢个捞面竟然系用即食面而唔系用啲传统嘅广东面，即刻扣咗分。另一样叫咗柱侯炆牛腩配米粉，跟餐会连一碗紫菜支竹鱼蛋汤。牛腩入味好食，个汤同之前一样只系配料唔同。另外仲叫咗个白萝卜小食，都系正常嘢，虽然应该加咗冰糖落去煮，不过唔系溏心白萝卜就唔系，扮唔到嘅。仲饮咗支豆浆仔。