彩福皇宴 (已結業)

家姐姐夫时时请我食饭，系时候回报下，我出咗粮，约去铜锣湾彩福皇宴，因为酒楼饮茶先至最有家庭味。我哋都系叫基本点心咁啰，越系传统越钟意，难得呢度有，虾饺、烧卖、叉烧包、陈皮牛肉、鲮鱼球、叉烧肠粉、鸡扎，现在好多酒楼只卖贵点心，难得寻回本土味。彩福嘅烧味都好出名，听讲得奖，店员推销烧鹅，今日新鲜优惠，但系晏昼食烧鹅太过分了，我哋拣脆皮烧腩仔，烧肉皮真系除咗好似薯片，五层肉够肥美，真好食。彩芒沙律虾卷劲香脆，味道开胃。现在好少地方有鸡扎食，彩福的海螺片滑鸡扎寻到旧日味。最后叫咗个菜远干炒牛河，唔记得影相添，炒得都几有镬气。