酥妃皇后 (蘇杭街)

营业中

休息中

住喺呢头附近，一直行过见到个铺头装修紧，比个纸板吸引写住「蛋挞皇后」，传闻嘅酥皮系用368层酥皮去整，就一直好期待，日日喺度等睇下佢几时开，好想知道点样好食法，讲到喺九龙城好出名。前几日放工见到佢著灯，知道佢终于开咗啦，但系因为放工7:00嘅时候已经冇乜饼净，佢橱窗啲牛角包啊，西式饼挞，都好吸引好靓，但系我一心系为咗个蛋挞以黎，想食蛋挞𠮶啲就买唔到，得返西式酥饼，所以就败走而回。死心不息一定要食到佢嘅蛋挞，终于有一日lunchtime嘅时候路过，即刻走去买，仲喺餐牌度意外惊喜见到有《榴梿蛋挞》，简直令我兴奋，即刻好好奇好想食！！买咗一个榴梿蛋挞同两个原味蛋挞，包装得好稳阵。原味蛋挞传闻个酥皮有368层，食落去真系非常松脆，果然名不虚传，蛋心非常嫩滑，仲有阵阵既蛋香，真系好好味！！到我最紧张嘅榴梿蛋挞，蛋浆甜度同榴梿好夹，入边仲有少少榴梿肉，加埋个松脆嘅酥皮，令人好有惊喜！！一定要再encore，下次会买啲俾同事食。