影片
更多
2019-02-04
2347 浏览
话说我食咗咁多次厨师发板，我都未食过号称香港最出色嘅厨师发板，而呢间就系位于元朗嘅鮨文。鮨文主打系海胆同埋时令嘅海产，每一日都会由日本直接空运过嚟香港，保证新鲜。而今日我食嘅第一道菜就系美人珍蚝，蚝嘅size唔大，但系有极重嘅蚝味，配合酸汁萝卜蓉同埋小小嘅辣油，完全可以发挥出蚝嘅鲜味，食完仲会有种回甘香味。之后就系食唔同种类嘅刺身同寿司，包括油份好重嘅油甘鱼加上柚子皮，十分清香。之后系网烧池鱼，佢用水种芽葱，清新得来不会太腻。至于omakase常见嘅白子天妇罗，佢用明太子嘅方式炸过，系我食过最好食嘅白子。中拖罗亦都有水准，入口即溶。跟住落来上嘅系海鳗鱼苗，加上醋做调味，又清甜又鲜嫩。师博将鱼骹位置烧香，一条鱼只有两件，十分珍贵，油份充足，甘香非常。至于鳗鱼，平时我唔系咁钟意食，因为我觉得有啲滞，但系佢用嘅京都鳗鱼，生烧到脆皮，外层好似薯片咁脆，改变左我对鳗鱼睇法，要一食再食。再来就有爽口嘅针鱼加莓酱同埋水烫过嘅金目鲷，都系新鲜有口感。至于赤贝，师傅会将佢拍至收缩，加上橘子汁来食，有视觉味觉享受。呢段时间仲有松叶蟹，所以师传将蟹子、蟹膏同蟹肉混和来做成寿司。再之后就有炭火网烧脑天同埋右口
鮨文主打系海胆同埋时令嘅海产，每一日都会由日本直接空运过嚟香港，保证新鲜。而今日我食嘅第一道菜就系美人珍蚝，蚝嘅size唔大，但系有极重嘅蚝味，配合酸汁萝卜蓉同埋小小嘅辣油，完全可以发挥出蚝嘅鲜味，食完仲会有种回甘香味。
之后就系食唔同种类嘅刺身同寿司，包括油份好重嘅油甘鱼加上柚子皮，十分清香。之后系网烧池鱼，佢用水种芽葱，清新得来不会太腻。至于omakase常见嘅白子天妇罗，佢用明太子嘅方式炸过，系我食过最好食嘅白子。中拖罗亦都有水准，入口即溶。
跟住落来上嘅系海鳗鱼苗，加上醋做调味，又清甜又鲜嫩。师博将鱼骹位置烧香，一条鱼只有两件，十分珍贵，油份充足，甘香非常。至于鳗鱼，平时我唔系咁钟意食，因为我觉得有啲滞，但系佢用嘅京都鳗鱼，生烧到脆皮，外层好似薯片咁脆，改变左我对鳗鱼睇法，要一食再食。
再来就有爽口嘅针鱼加莓酱同埋水烫过嘅金目鲷，都系新鲜有口感。至于赤贝，师傅会将佢拍至收缩，加上橘子汁来食，有视觉味觉享受。呢段时间仲有松叶蟹，所以师传将蟹子、蟹膏同蟹肉混和来做成寿司。再之后就有炭火网烧脑天同埋右口鱼裙边嘅手卷，基本上系已经好饱。
当然鮨文最出名嘅系海胆，师傅先用普通海胆做了一个海胆军舰比我哋食，我已经觉得十分出色，之后师傅话啱啱系日本拍卖左一板海胆，一板成四千几蚊港币，咁当然要试下，一试落去，超级creamy同清甜，试问点可以唔再来食！
饮饱食醉后食埋个清甜蜜瓜就离开了，希望好快再有机会再食喇。
张贴
