芝加哥串燒酒場

去中上环区，如果想揾间餐厅饮嘢同食嘢嘅话呢度系唔错嘅选择👍🏻位置方便，系兰桂坊中段位置。店员有善，有室外室内位置，食物同饮品种类多，而且价钱合理👏🏻有汽酒叫咗最稳阵嘅Prosecco，容易入口唔太甜🫶🏻 另外仲叫咗一杯Cocktail ，呢度嘅Cocktail种类好多选择，我今次拣咗Rainbow ，甜甜地有菠萝味，几适合女士！当然仲有啤酒，呢度啤酒每日都有做买一送一！好抵玩！嘢食方面选择好多，不知不觉就嗌咗好多嘢食🤣🤣除咗一般串烧之外，仲有几款饭可以俾大家拣唔惊饿亲👏🏻我今次拣咗安格斯牛版见珍珠饭，好香嘅牛油味配搭牛扒同粟米，几惹味！串烧就嗌咗好多款，特别推介：招牌无骨白鳝串（鱼皮脆，鱼肉油香），牛骨髓 （嫩滑香口），牛舌（软身爽口），翠玉瓜(啱啱好 多汁)，鸡皮墨鱼滑（超足料墨鱼滑，配搭鸡皮同蜜糖，有惊喜），烧和牛胸爽 （第一次试，好香同爽口），极品即烧乳猪（厚切乳猪，皮脆，好正） 总括而言，呢度地方坐得舒服，嘢饮同食物种类都好多👍🏻价钱唔会太贵，推介🙌🏻