AnyMomentCafé

营业中

休息中

肥仔约咗几个朋友下个月去欧洲自由行，差唔多要book嘢，要开个大会。揾到呢间就脚又可以坐好耐嘅cafe，好正好想大赞！不过由于餐厅座位有限，入嚟前需要预先订枱预约。🧳🧳韩式牛肋条牛肋条肉质鲜嫩、够淋，而且有少少牛筋，增加口感。牛肋条腌制得恰到好处，带有微微嘅甜味同香辣感。仲配有生菜丝。老板好有心思，白饭造型非常可爱，系兔仔造型！🧳🧳芝士薯条芝士酱是老板自家调制的，呢似系芝士同他他酱既混合，有酸酸甜甜，味道浓郁惹味，又唔会觉得油腻，几开胃！薯条很厚身，炸得香脆刚刚好！🧳🧳润喉茶老板见我有两声咳，又知我想饮热饮，推荐我呢养生润喉茶。有干嘅橙皮、菊花、薄荷、冰糖，小小草药感觉，饮落喉咙舒服晒！最正系热饮可以加三次水，倾耐啲都唔怕口渴呀！总结，要揾个地方聚埋一齐真系唔容易，cafe有晚餐提供仲有多样化Broad game 嘅楼！老板one man band 但招呼周到，仲会教你玩broad game!!推荐俾要聚餐嘅朋友！