影片
更多
2013-12-11
3218 浏览
老细要请客兼倾生意, 我提议去会展的金紫荆, 有view, 够阔落, 服务好, 食物质素有保证, 大家都食得好满意.一踏进餐厅, 个 Hostess 就带我地到一张窗口台, 睇到维港只红色帆船, D外籍客人觉得好有特色.当日试左好多味菜式, 大部份都很有水准:经理介绍我地饮两款冬天的滋润饮品, 花旗参红枣茶和玫瑰花雪梨茶, 果然无介绍错, 饮完喉咙好舒服.紫荆四小碟(原只虾饺皇、蜂巢炸芋角、油鸡枞珍珠耳、凉伴虫草花)只虾饺劲大只, 好似个乒乓波咁大, 入面好大只鲜虾, 好juicy. 芋角炸得松化, 一D都唔油腻, 至于另外果两款前菜就好特别, 好好味.烟熏腐皮卷另一道开胃前菜, 香浓的烟熏味道完全渗进了薄薄的腐皮之中, 清清地准备之后接踵而来的美食.蜜汁叉烧肥瘦适中, 肉质十分软熟, 蜜汁不会太甜, 做得出色.黑松露上素竹笙卷原本好清的上素竹笙卷, 加上黑松露, 当堂香气浓郁, 形成强烈对比, 好有趣.海皇鱼汤浸豆腐净系睇个汤既颜色已经知道火喉十足, 白色的鱼汤加上滑溜的豆腐, 十分清甜.星洲大花虾呢味菜令我想起马来西亚的奶油虾, 上面一丝丝甜甜地的蛋丝很考功夫的, 大虾酸酸甜甜,
一踏进餐厅, 个 Hostess 就带我地到一张窗口台, 睇到维港只红色帆船, D外籍客人觉得好有特色.
当日试左好多味菜式, 大部份都很有水准:
经理介绍我地饮两款冬天的滋润饮品, 花旗参红枣茶和玫瑰花雪梨茶, 果然无介绍错, 饮完喉咙好舒服.
紫荆四小碟(原只虾饺皇、蜂巢炸芋角、油鸡枞珍珠耳、凉伴虫草花)只虾饺劲大只, 好似个乒乓波咁大, 入面好大只鲜虾, 好juicy. 芋角炸得松化, 一D都唔油腻, 至于另外果两款前菜就好特别, 好好味.
烟熏腐皮卷另一道开胃前菜, 香浓的烟熏味道完全渗进了薄薄的腐皮之中, 清清地准备之后接踵而来的美食.
蜜汁叉烧肥瘦适中, 肉质十分软熟, 蜜汁不会太甜, 做得出色.
黑松露上素竹笙卷原本好清的上素竹笙卷, 加上黑松露, 当堂香气浓郁, 形成强烈对比, 好有趣.
海皇鱼汤浸豆腐净系睇个汤既颜色已经知道火喉十足, 白色的鱼汤加上滑溜的豆腐, 十分清甜.
星洲大花虾呢味菜令我想起马来西亚的奶油虾, 上面一丝丝甜甜地的蛋丝很考功夫的, 大虾酸酸甜甜, 很开胃, 亦好合外国人的胃口.
松茸野菌燘黑豚肉煲好惹味的煲仔菜, 松茸香气扑鼻, 黑豚肉好软好腍.
另外点了野菌和牛粒, 脆皮茶熏鸡和鲍汁唐生菜煲, 一上碟已经忍唔住动筷, 忘记左影相, 尤其是野菌和牛粒, 和牛真系入口即溶, 加上新鲜牛肝菌, 好惹味, 食到唔停得口.陈皮炖雪梨和蛋白杏仁茶
十分清甜, 冬天很滋润的汤水.
张贴
