影片
更多
2018-01-03
185 浏览
同事啱啱生咗BB，我地一行人就走去佢屋企探佢，探完就顺手食埋个饭，于是系佢楼下个商场到揾，见到$298任食火锅大家都废事谂，二话不说就入咗去食。入到去发现同Times Square钓鱼翁嘅卡座好似，坐低search咗阵先发现，原来系钓鱼翁集团，咁就令我对呢间野嘅食物质数有返啲信心~ 呢度嘅饮料大约得13种，比起普通嘅放题餐听算少，不过算啦~ 屋邨你仲想点呀? 有得你拣算好啦~ 话说呢度有几种热盘俾大家拣，丫, 我又无谂过除咗有得任食打边炉之外，仲有热盘前菜，几抵。我拎咗猪手嚟试下食，系卥水嘅，唔会煮得太淋，而且入口啲皮仲系好爽口，卥水又入味，真系唔错啊~ 话说呢个餐，系包个海鲜拼盘、刺身拼盘同埋个冬菇鲍鱼，真系可以话几抵啊~ 而我亦都系因为呢个刺身拼盘先打呢篇食评，因为连我食惯三文鱼嘅朋友仔都话，呢度啲刺身真系好好食!!! 特别系三文鱼，新鲜唔在讲，而且切得唔薄，非常有口感，而且仲入口爽口，鲜味十足，媲美寿司舖呀喂! 推介推介! 另外个海鲜拼盘，虽然同张order纸个卖相好有分别，只有4款海鲜，不过都算新鲜，系少咗啲青口啰，不过order 纸有得任叫，咁佢唔放系度都由佢啦~ 蛏子入口
同事啱啱生咗BB，我地一行人就走去佢屋企探佢，探完就顺手食埋个饭，于是系佢楼下个商场到揾，见到$298任食火锅大家都废事谂，二话不说就入咗去食。
入到去发现同Times Square钓鱼翁嘅卡座好似，坐低search咗阵先发现，原来系钓鱼翁集团，咁就令我对呢间野嘅食物质数有返啲信心~
呢度嘅饮料大约得13种，比起普通嘅放题餐听算少，不过算啦~ 屋邨你仲想点呀? 有得你拣算好啦~
话说呢度有几种热盘俾大家拣，丫, 我又无谂过除咗有得任食打边炉之外，仲有热盘前菜，几抵。
我拎咗猪手嚟试下食，系卥水嘅，唔会煮得太淋，而且入口啲皮仲系好爽口，卥水又入味，真系唔错啊~
4 浏览
0 赞好
0 留言
话说呢个餐，系包个海鲜拼盘、刺身拼盘同埋个冬菇鲍鱼，真系可以话几抵啊~ 而我亦都系因为呢个刺身拼盘先打呢篇食评，因为连我食惯三文鱼嘅朋友仔都话，呢度啲刺身真系好好食!!! 特别系三文鱼，新鲜唔在讲，而且切得唔薄，非常有口感，而且仲入口爽口，鲜味十足，媲美寿司舖呀喂! 推介推介!
4 浏览
0 赞好
0 留言
另外个海鲜拼盘，虽然同张order纸个卖相好有分别，只有4款海鲜，不过都算新鲜，系少咗啲青口啰，不过order 纸有得任叫，咁佢唔放系度都由佢啦~
蛏子入口爽口，一啲沙都无，洗得好干净 ~ 而且都唔算系好细条 ~
5 浏览
0 赞好
0 留言
啲青口都真系几大只，入口又爽口~
我叫咗个鸳鸯锅，其实都无乜特别嘅，不过想俾下大家睇几足料嘅汤底，清汤系皮蛋芫茜同埋马蹄~~~
另一卖点系有蚝皇扣鲍鱼啊!!! 虽然鲍鱼唔算太厚肉，但系味道都唔错，相当入味，花菇又大粒~
呢度嘅墨鱼滑算系唔错，卖相已经够精致，而且成旧胶质都几劲，入口好弹牙，而且算系有墨鱼味，毕竟系出面叫真系要80几蚊旧，系呢度钟意嘅任叫任食，真系算系咁啊~
呢个package 仲送极级牛颈脊，出面成$2xx 碟，系呢度送埋俾你食，不过后面就无任叫嘅肥牛咯….
不过牛肉入口真系好有肉味，而且油花纹路煮完之后都仍然清晰见到，所以入口除咗肉味，仲有阵阵油香~
好彩呢度有羊肉片搭救，我位钟意食羊嘅朋友话，钟意呢块羊肉片有少少膻又唔好浓，容易食好多块㖞
少有地呢度竟然有竹笙任食，食咗咁多肉，我地都叫咗啲蔬菜食，卖相都几唔错，而且唔会切得好大旧，算系几有刀功
竹笙又白又软，无泡浸过咗龙，算系几唔错~ 仲保留到大致个型。
总括嚟讲，我都无乜后悔系度食，虽然系屋邨商场，但毕竟系私人屋苑，都真系几唔错~
张贴
