醉翁亭火鍋館 (已結業)

朋友住烏溪沙，傾吓傾吓已經到晚飯時間，她便帶我去迎海薈醫飽個肚才走。以前幫襯過釣魚翁，都見頗多捧埸客，今晚出奇地少客。兩個人也不適宜叫太多，只叫兩個小菜加一個白飯。金瑤自家豆腐（$108）的豆腐其實是玉子豆腐，十分之滑溜。由於內裏加了一層紫菜，帶有一種特別的鮮味，亦豐富了口感。豆腐面上用𧐢油炒的雜菇，十分惹味，好送飯。👍🏻👍🏻👍🏻師爺沙薑雞（$138）上枱還喳喳聲，很香。雞件大嚿份量足，皮煎得香，加埋沙薑粉丶蔥及蔥頭，更加香氣撲鼻。雞肉好滑嫩，而沙薑汁調得啱啱好，簡直係食到唔停得口。😋😋😋燉湯是花膠螺頭燉雞湯（$48），這個湯我們是後加的，望落有點清，飲落猶如將清水加落湯渣上，完全不合格。👎🏻👎🏻👎🏻😤😤😤本來它的小菜是甚值好評，可惜因為這個湯，我只會給「合格」分數。順帶一提，飯後可問侍仔有冇糖水，我同朋友一個叫了紅豆沙，一個叫了綠豆沙，足料不過甜，是免費的。😃😃😃

父親節飯，星期二已walk-in book, 點知星期六去到找不到我的預約紀錄，明明食小菜但只肯俾火鍋枱我們，加板木板上去，張枱搖來搖去，因為是火鍋部，冷氣開得很大，吹到頭都痛，叫極都無人肯落單，每一樣嘢都要叫五,六次先有人應，服務超差，食晒餸先記得出白飯，甜品又等咗幾個字，但原來只放在我們隔離的雪櫃，總之食得很谷氣，而且價錢都唔係平，no next time!! 看似很高檔但服務仲差過茶餐廳，如果烏溪沙唔係執剩呢間茶樓應該無人會幫襯囉！

打咗去訂位食火鍋，見其他人讀個任食任飲邊爐好，點知去到先話無得任食，由9月開始無咗又唔講。去到係自己搵位坐，個場得一個黑衫做野，一開始仲要整係比個貴野嘅Menu，要我地自己問先比個正常Menu。野食冷門無野叫得落手，仲要極唔新鮮，隻蝦係霉到肉泥咁，魚皮餃食落口係酸嘅，花甲同桂花蚌有沙，係得最貴嘅牛正常。全部野都細細碟，完全唔值依個價錢！成晚得3、4枱客，員工可以坐係到吹水收枱，咩質素大家明啦。卡位個坐位仲要係臭嘅！一定唔會再食！

星期日最好就係同屋企人飲茶閒聊起身本身諗緊去沙田新城市廣場個邊飲茶打開新城市個app 見到要等百幾張 不了就去咗迎海薈商場既醉翁亭飲茶其實星期日周圍飲茶都要等烏溪沙無咁多人等咗大約十幾分鐘就有位 都係叫燒賣腸粉叉燒包點心之類上菜時間算快 點心係熱既 唔會係擺咗好耐 睇得出係即叫即蒸 最後當然要叫埋甜品 見到點心紙上面有香芋凍布甸 睇落幾特別 就叫香芋凍布甸試呢個香芋凍布甸好好食 香芋味夠濃 加埋花奶完美 食一個已經啱啱好 飽飽

烏溪沙岀名少東西吃，看到附近有間酒家打邊爐任飲任食而且不限時，就決定試一試。不過坐下就有點失望，因為湯底選擇十分少，而且只可以選擇一種。有刺身先端上，份量有點少。不過海鮮有一大盤，十分不錯，都很新鮮，不過只有一份。只有一份的牛肉質素都不錯。但是其他任食的食材就一般質素了，選擇十分少，牛肉十分肥，飲品的選擇少得可憐，連可口可樂都沒有⋯⋯最失望是加湯竟然是加水，令到湯底十分淡而無味。以$298再加一這個價錢可以説是失望！

📍 醉翁亭火鍋館 （馬鞍山）勝在新鮮、性價比都ok ga!同啲長輩黎Ok因為佢哋鍾意食魚，食物新鮮.✅任食火鍋，包一客刺身拼盤、海鮮拼盤，超級新鮮，隻鮑魚瞓咗喺度都識係咁郁🐬.✅仲包一客水餃皇，一人一粒，半隻手掌咁大粒，薄薄的皮包住大大粒嘅蝦、木耳豬肉、咬落非常彈牙,正.✅中意有沙律吧、糕點食 .✅鍾意食海鮮嘅呢度有好多魚嘅選擇，佢啲魚腐都幾好食，啲菜好新鮮。 .✅免費泊車兩小時！遠可以揸車入嚟，職員服務態度都好好❌因為要就翻屋企人清淡，所以揀咗個清淡啲嘅豬骨湯，如果揀重慶雞煲我會覺得仲正！所以我覺得啲湯底係爭啲嘅！人均消費：$268加一 /星期六日$298加一好味指數： 1️⃣2️⃣3️⃣4️⃣5️⃣6️⃣6️⃣7️⃣7.5/10分.地址：醉翁亭火鍋館 (馬鞍山) 馬鞍山烏溪沙路8號迎海薈地下2號舖（即馬鐵烏溪沙站一出就到）#hkfood#hkfoodstagram #hkfoodieblogger#hkfoods #hkfoodielife #hkfoodie#hkfoodpic #foodielife#foodiesofinstagram #foodies#ctfoodie#hkfoodshare#cteate

Came here for hotpot with family. It’s around $300 per head during public holidays and weekend for their seafood hotpot.We came on a public holiday and expected to be packed but it was pretty ok. Included in the seafood hotpot are the sashimi, shrimps and some other seafood. Those are only given one plate whilst the others are given unlimited.The ingredients are very fresh and tasty. Drinks are a bit boring but it’s ok as I came for the hotpot mostly. Would definitely come back for more some

一直都想試呢間火鍋店, 直到馬鞍山開左分店都未得閒試, 今日就揀左去呢度慶祝家人生日~去到係7點幾本身驚冇訂位會唔會要等好耐，點知完全冇人排，入面都好空，門口姐姐仲係咁叫我地入去食，我得一個人到左佢都叫我入去坐住先因為佢話係無限時任食，所以可以入去坐住先~平日268加一，首先會送一大個刺身拼盤，仲有一份海鮮拼盤，每位一隻鮑魚同冬菇，仲有送一碟牛頸脊肉。刺身拼盤，都幾新鮮，亦唔會好冰好大雪味，都唔錯，而且幾厚身。鮑魚冬菇都好入味~海鮮拼盤好吸引呀，好大隻魚有兩款，兩款都好味送既牛頸脊肉亦係非常好湯底方面，加左80蚊就有蕃茄龍蝦鍋，個龍蝦都幾大隻~出面有自助沙律吧，有D菜可以食下，亦有火鍋醬汁~飲品方面有果然系紙包飲品、罐裝汽水、罐裝綠茶、荔枝紅茶、烏龍茶等等。餐紙上都幾多野食可以叫，一開始未叫就會拎左碟魚皮餃同蝦肉餃比我地。餐紙上都有海鮮，青口還可以吧，大魚頭D魚肉非常魚味，可能會覺得太腥~食得好飽, 質素都OK, 同埋可能因為好少人, 服務好快好好~ 而且無限時食得好輕鬆, 佢地放工都仲叫我地可以慢慢食~

2100後入座8折298/人 加一環境舒服，不會太貼有空間可以傾下計湯底快選擇了雞煲個雞煲係一早整定再睇人數比幾多，推到出黎係凍，同埋好老都應該煮左好耐，味道ok另外送左個刺身，水餃，海鮮拼盤，花菇鮑魚送ge食物 ok，係個鮑魚凍左小小火鍋任食的食物款式不多 但質素還可

烏溪沙玩，試下依間酒樓午餐飲茶點心拼盤！d點心真係好足料，蝦餃咬落去好爽口，不過由於皮薄都好易破！芝士大蝦伊麵，蝦好大隻！有菇！奶黃飽紫菜湯米線！有絲瓜，紫菜同肉丸，依個組合都幾特別既！有舊好特別既柚子皮既雞集！灌湯餃！燒賣真材實料，滿晒肉同蝦，好味！

醉翁亭的火鍋，一直口碑好、品質高~🎖至於我，行動比口講實際，這年來，我已經來過最少4次了! 😀記得原本醉翁亭沒有「任食」邊爐，散叫的話比較貴又食得不夠爽，它推出「任飲任食」火鍋可令我雀躍不已。😁😁不知是否人流不多，每次都不用等就順利有位子。🎈也不知是否這個原因，它的價錢也越來越便宜了! 😋最新的「無限時任飲任食海鮮火鍋」:-星期一至五 $268 (另加一)-星期六、日 $298 (另加一)如果晚上九時後入座，還有8折優惠呢~😆特別之處在於，每人皆會附上5個特定精選菜式，而這些款式是不能refill的。- (1) 牛頸脊🐂🐃 : 這牛肉是我最最喜歡的，平時不愛肥牛的我，非常欣賞這入口即溶的牛。以上是二人份量，十分足料，我估計，如果要散叫，應該要接近$100元吧～😋2. 蠔皇鮑魚及冬菇 😻一人一隻鮑魚，加埋配菜的秋葵，這些「前菜」未免太矜貴了吧~3. 刺身拼盤 (圖左)🙄-新鮮刺身，在等湯滾起前食，一流~👍4. 至尊餃子王 (圖下)❤-說是「至尊」，究竟和普通餃子有何分別? 當你食下去，就發現裏面有三至四隻鮮蝦，你就知道這餃子絕對沒有偷工減料，我在外面是食不到如此滿足的餃子的! 😚😚

朋友請食飯，揀左係佢屋企附近打邊爐，聽佢講話食過幾次，好正，所以山長水遠走入黎試試一黎到揀完湯底即刻送盤環球海鮮盤上枱，好震撼呀‼️ 有海蝦，蟶子，花蛤，龍躉片，鱔片同魷魚我最鍾意係海蝦，夠新鮮，食落好彈牙蟶子都好大隻好鮮甜，其餘既質素都好好，食得出係新鮮貨黎刺身拼盤，又係自動送既，樣樣都新鮮，三文魚好厚好肥美，其他都不過不失。係火鍋店黎講，質素好過好多放題店啦❗️全晚我最念念不忙就係呢個牛頸脊，都係送既，食完encore 要$168!切得有厚度，牛肉味好重，雖然唔係入口即融，佢係有啲咬口既，但係好軟滑，會令人停唔到口另外送左蠔皇扣鮑魚，亦係加分位，鮑魚同冬菇都非常入味，鮑魚size 唔算大，但都正常，而且炆得好焾另外都有成五十款配料可以任食架，我最推介係韭菜餃同佢既手打四寶丸，前者味道超濃，食到韭菜好新鮮，後者真係好爽口彈牙平日食其實$300左右，我覺得價錢唔係最平，但質素真係中上

朋友介紹呢間打邊爐有生日優惠，所以黎試試，點知完來個優惠係上年嘅...不過唔緊要，都係好嘅經驗$268 一個人，再加一。有海鮮拼盤、一樣貴價菜同刺身拼盤送，除左某啲食物要加錢，其他食物、飲品都係免費，仲有蔬菜吧任食整體黎講，食物都幾好味。最欣賞啲牛肉同佢拳頭咁大嘅餃子

收工同同事黎食平日夜晚嘅特惠時間冇咩人4人被安排坐卡位，幾舒服叫咗個鴛鴦湯底我唔好芫茜，不過呢個好清，d嘢淥完唔會痴到芫茜味，對我黎講幾好反而沙嗲湯好香濃叫完嘢食就先上咗碟鮑魚花菇，一人一舊，連菜都係味道ok，感覺好似去咗飲咁😂之後就上咗盤刺身因為呢間餐廳唔係我揾我bk，淨係知黎任食唔知又有鮑魚又有刺身咁得意呢碟係一般放題食得到嘅味道然後就係按人頭分配嘅海鮮船，有蟶子，蚌，蝦，墨魚片，生魚片同鱔片，最記得係個鱔片！高質，肉質爽彈今晚嘅重點: 牛頸脊！好好食！同平時叫嗰d一碟200幾蚊嘅一樣肉味濃，咬口爽滑可惜得一碟其他嘅火鍋配料不過不失，原本有得叫嘅美國肥牛就完全被比下去，粟米都幾甜不過食呢個魚皮係最難忘因為唔知點解離奇地有浸羊騷味，食完一舊即刻停手值得一讚嘅係，著黑色衫嘅靚姐(?部長)服務超好，就黎last order又提我哋，又會關心我哋夠唔夠食，好似媽媽咁

下午時段等位15分鐘, 酒樓面積比一般酒樓細, 但裝修環境很雅緻, 也沒一般酒樓咁嘈吵, 給人可悠閒慢慢的飲啖茶食點心, 聽聞這商場的多間食肆是同一個飲食集團, 曾試過這商場的食肆, 水準也是幾好。待應的服務態度殷勤有禮, 另外, 熱水仍用茶壼端上, 不是用一個大不鏽鋼熱水壼放在枱上, 讚!  點選了幾款點心, 「燒鵝瀨」、「沙律明蝦角」、「羅漢齋腐皮卷」、「五香咸肉稯」、「鮮人蔘花膠灌湯餃」、「桂花糕」。「燒鵝瀨」   ~    燒鵝的份量頗多, 鵝肉嫰滑, 瀨粉爽口, 湯底也很好味。「沙律明蝦角」   ~     是即炸的, 很夠熱, 香脆好味, 蝦肉鮮甜。「羅漢齋腐皮卷」 ~   羅漢齋餡料好味和 juicy, 外面的腐皮略炸得比較深色, 如炸到金黃色無論在外觀和味道會好些, 煎炸點心在煎炸油温的控制很重要呢!「五香咸肉稯」 ~    味道還可以, 但蒸得唔夠熱和唔夠稔。「鮮人蔘花膠灌湯餃」 ~    以這價錢很抵食, 湯也好味, 餡料味道是好味的, 但人蔘是酸的, 估計是人蔘沒有用水洗浸過, 但湯的味道又沒有酸味!?「桂花糕」    ~     有好清香的桂花香味, 糕的軟硬度