影片
更多
2019-09-04
1581 浏览
隐身于观塘工厦的良心小店猫cafe，未入门口已经见到舖头墙外贴咗啲猫有关嘅poster 已经知无黎错地方。入门口前仲有张纸写住猫cafe 规则，睇出店家系非常爱锡佢地嘅猫，系同人分享佢地对猫嘅爱远多过利用猫黎赚钱。所以我地都非常守规则，先洗手。入到食店，环境唔算大，应该最多可以招呼都二十个左右嘅人客，但室内设计非常有特色，单纯设计方面已经知店主系非常爱猫嘅人，细心睇下全店都系用猫嘅装饰做主题，而且仲有张牌介绍猫猫嘅名同性格。黎猫cafe，猫咪先系主角，可能当晚比较静，大部份猫都训得好淋，训著咗嘅猫就唔好整醒佢地啦，睇住佢地训嘅样都几可爱，女店主都有介绍佢地边个打边个，有啲猫猫仲超痴主人，同埋好睇得出猫猫们同店主们都好锡大家，店内有啲位置特别为猫猫而设计添，例如天花嘅猫走廊，可以俾佢地唔钟意俾人摸嘅时间逃避客人 (始终猫系生物，有自己嘅性格，亦都唔系24小时都钟意俾人摸，就算钟意俾人摸都唔一定系个个人都摸得)。食物方面，黎猫cafe 本身都唔会抱太大期望要食到隐世美食，因为猫先系主角嘛，但All Day Breakfast 同薯蓉都比我地想像中好食而且有heart 整，饮品方面选择不少，
入到食店，环境唔算大，应该最多可以招呼都二十个左右嘅人客，但室内设计非常有特色，单纯设计方面已经知店主系非常爱猫嘅人，细心睇下全店都系用猫嘅装饰做主题，而且仲有张牌介绍猫猫嘅名同性格。
黎猫cafe，猫咪先系主角，可能当晚比较静，大部份猫都训得好淋，训著咗嘅猫就唔好整醒佢地啦，睇住佢地训嘅样都几可爱，女店主都有介绍佢地边个打边个，有啲猫猫仲超痴主人，同埋好睇得出猫猫们同店主们都好锡大家，店内有啲位置特别为猫猫而设计添，例如天花嘅猫走廊，可以俾佢地唔钟意俾人摸嘅时间逃避客人 (始终猫系生物，有自己嘅性格，亦都唔系24小时都钟意俾人摸，就算钟意俾人摸都唔一定系个个人都摸得)。
食物方面，黎猫cafe 本身都唔会抱太大期望要食到隐世美食，因为猫先系主角嘛，但All Day Breakfast 同薯蓉都比我地想像中好食而且有heart 整，饮品方面选择不少，同埋佢地用只好靓嘅猫猫杯黎上。
见佢地仲有自家制蛋糕，好似好好味咁，如果唔系之后有野做都想试埋先走，唯有下次先黎试啦。
张贴
