紅磡冰室 (已結業)

难得早起，就黎出名食物高质嘅红冰食早餐9:35左右就到左，虽然好多人，但幸运地唔使等即刻有位坐。叫左个吉列鱼柳+炒蛋+火腿+菠萝油。吉列鱼柳炸得松脆可口，外脆内嫩，极度开胃。炒蛋份量多又嫩滑，熟得啱啱好。特别推介菠萝油，牛油系热辣辣嘅菠萝包入面融化渗透，菠萝包啱啱整起嘅脆皮松脆香甜，真系热量再高都忍唔住口嘅人间美味！沙爹牛肉公仔面看似普通，但红冰出名野食入味，牛肉嫩滑得黎充满浓香嘅沙爹味，汤底都有沙爹汁，简直系港式公仔面界嘅王者。由于本人比较大食，以上份量只系够我七成包，因此价格属于稍贵，不过食物质量绝对补救到。