紅磡冰室 (已結業)

14年開始幫襯，果陣係紅磡名物黎，樣樣野都好食，好高質，尤其係瑞士汁雞翼撈公仔同炒蛋，雞翼大隻又入味，個瑞士汁又較得好。炒蛋真係又滑又香蛋味，配埋件厚油多超正。但係最近去幫襯水準已經冇哂，蛋炒到全熟碎哂，雞翼撈麵啲麵煮到淋哂，雞翼又煮到又老又唔入味😤唔知係因為果更廚師唔識煮，定係成間野班底都轉咗手，眼見樓面同收銀係的確轉哂人。如果真係轉咗手嘅，希望新老細睇到，好失望！唔會再特登由大西北過返黎紅磡食，blacklist。

呢間茶歺廳、食過三次、今天午餐不太鐘意、叫左個咖喱鸡飯、等等左差不多廿分鐘、终于来了、一看賣相真差、已经失望、再试味道也很很很一般、吃過呢間第四次、今日係最差嘅一次

幫襯左好多年，品質時好時壞。今晚叫左菠蘿咕嚕雞球，雞球質感似齋雞粒，無雞肉只有一舊麵粉，汁又唔夠，白飯又未熟浪費quota之餘，又熱氣，半年內都唔再幫襯。*其實齋雞粒更加好味

茶餐廳職員忙 無空間兼顧禮貌 我明不過錯單 金額有問題 至少都解釋下 而唔係完全冇出聲 自顧自地換我張單啩被我捉到仲聲大夾惡 火滾……今日趕時間 去附近的這間冰室(之前間中有幫襯 預左有些職員兼顧唔到會躁少少 不過食物水準的確過得去)點了時菜斑球飯($58)下了單 職員回頭問我要炸的還是不炸的? 還有的選!? 因為健康所以選了不炸的 收到單 時菜斑腩飯($53)腦中閃過時菜斑腩飯平過時菜斑球飯? 不過機出又不會有錯突然 有另一個女職員(之後惡到似係老闆娘)完全冇出聲 自顧自地放下一張新單 取走舊的 新單多了個”廚房什項”問她為什麼貴了 不炸廚房應該少了功夫才對 為什麼多了項廚房什項她很勞氣地說(似乎)用的魚不同 而我的是貴的時菜斑球飯想再問清楚菜單上的時菜斑球飯究竟是炸還是沒炸的 她又支吾其詞 又說是同事下錯單要求換回她口中的”時菜斑腩飯($53)”又被指做了 不可以換後來人變多 唯有吞下這口氣其實下錯單很正常 解釋一下就好 不道歉也沒什麼令我火大的是那個像老闆的阿姐的鬼崇飾非 被捉到就惱羞成怒 (最重要: 心想 你要發火都對你的伙計 唔好對我得唔得)總結是我(希望)在食物上(應該)沒

這餐廳標榜自己是黃店，所以吸引不少食客，我們一家也一直支持，但店內一位叔父樣的侍應實在太沒禮貌了，以後也不會再去！除了顏色，服務態度和食物質素也是缺一不可！！！

上星期日本来想在这里吃午饭，但客人太多，内部地方又较狭窄，结果改了去其他地方。今天看到没多少客人，就决定在这里解决晚餐。先在店外看餐牌，有套餐和单点，一般茶餐厅的价格，不是太贵。客人不多，但地方颇为干净，喜欢铺在地上黑白小地砖，有点怀旧的味道。再翻一下菜单，决定吃炒面。先来的例汤，红萝卜煲猪骨，熬的时间应该不短，汤味够浓，只是猪骨较大，喝汤时有点狼狈。点了干炒猪扒公仔面，等了一下就送上了。看见也有点惊讶，因为份量很大，比平时吃的多了一半都不止。中间有几件猪扒，刚炸的，又香又嫩，吃完已经是捧着肚子。热柠茶就普通一点，只有两片柠檬，口味略淡。今天本来是好饿的，吃完真的很撑，不能再吃东西了。

喺紅磡返工真係有好多物美價廉嘅餐廳依間冰室有提供口罩袋同酒精搓手液比食客，非常貼心。由於中午唔係太肚餓嘅關係所以叫咗常餐👉🏼瑞士雞翼撈公仔麵瑞士雞翼煮得好入味但係雞肉唔會太老仲保持住滑嘟嘟嘅口感，公仔麵煮到啱啱好唔會太林或者太硬👉🏼滑蛋蒜蓉多士滑蛋炒得好滑啊！唔知係咪落咗水或者牛奶好好食蒜蓉多士比較軟身同埋上菜嘅時候仲係熱辣辣😍👉🏼熱央走雖然落咗煉奶但都唔會好甜整體黎講雖然係常餐但都夠飽，下次會再嚟試午餐

以前返學成日出入紅磡，夜媽媽想食野好多時候都會去紅冰食宵夜。覺得入面宵夜時段個價同平時食正餐差唔多，味道又ｏｋ所以都成日食（推介雞翼公仔麵）。但係有樣野唔夠好既係衛生，入面員工好多時候執完枱又去拎野食比客人，但有時裝得唔好，會偷偷地用手撩返條麵入去，比較噁心。環境方面都算過得去，裝修正常，如果要講有咩唔好，冇咁好既係D櫈比較殘舊會有甩皮情況同埋燈光太過剌眼，不過都算接受到。味道方面同一般茶記差唔多，都係食果類野，炒飯炒粉麵果類，冇咩特別。比較有趣既係，員工有時會主動撩你講野，甚至有ｄ口花，不過講野都幾搞笑既。

平時真係好少好少食公仔麵，但係呢一間冰室嘅炒公仔麵真係令人欲罷不能，唔怪得知佢咁多人排隊啦，之前食過佢嘅炒蛋都係十分之滑，多士都係外脆內軟，但係曾經試過外賣返屋企食就冇咁好食啦，如果要外賣嘅話炒公仔麵就係我嘅第一選擇，非常惹味而且唔會變軟爛。

黎到紅磡緊係要食紅磡冰室啦呢度既瑞士雞翼睇圖已經覺得好吸引所以就叫一個餐黎試試蒜蓉包好香蒜蓉味 烤得啱啱好 麵包鬆軟得黎又新鮮 炒蛋正常水準個公仔麵吸曬瑞士汁既味 而且雞翼都好入味果然好食！$44一個餐包飲品 抵啦

今晚行過紅磡，見周圍既餐廳都好多人，經過紅磡冰室唔算多人，唔洗等位，就去紅磡冰室食個晚飯。入到去之後都開始多人，我地一行兩人，叫左佢2個餐，金銀蛋莧菜同蟲草花蒸雞。送湯同野飲。等左一陣，D送就黎喇。個金銀蛋莧菜落埋雞蛋，D菜食落去就更加有層次，幾好食。依個雞煲有好多雞，但可能因為太多蟲草花，所以有陣藥材味。總結，依餐飯食得好飽，係紅磡黎講算係不過不失。

紅磡冰室一向出名 最多人食應該就係常餐另外午餐精選都唔差 份量好多早餐都唔差 主要係因為個炒蛋好正！叫常餐其中一個原因係為咗個炒蛋🥰好滑好重蛋味！蒜蓉包都好正！好夠味 熱辣辣好香！撈公有得揀瑞士雞翼同豬扒雞翼味道好夠 隻隻脹卜卜好多肉出前一丁預先撈好瑞士汁 好好味🥰🥰之前食過豬扒 大過塊面 都好抵食！

上完堂，有點肚餓，就同朋友一齊食下午茶。點了沙爹牛肉麵沙爹醬係成個餐嘅靈魂，呢個汁真係好好吃，不會辣，好濃味，吾會太咸。啲牛肉亦都薄切，好易咀嚼，入曬沙爹牛肉味麵嘅軟度剛好，不會煮到好琳，脹曬咁吾係間間餐廳有得轉蒜蓉包，超香蒜蓉牛肉味，似多士，脆卜卜，麵包都好鬆軟！炒蛋都好滑，但擺耐左有啲出水，所以要盡快食左先。杯檸檬茶，就麻麻，個茶太多濃味，有啲澀，同苦。不過，就落足料，4片檸檬！上餐速度超快，岩曬趕時間的人食🤓

星期日到紅磡搵朋友，順路到紅磡冰室食個下午茶，點了一個特餐：蜜汁叉燒通心粉配西煎雙蛋和香烤蒜蓉包$44，另外點了一份常餐：瑞士雞翼撈公仔麵配嫩滑炒蛋和牛油多士$48，飲品一杯熱奶茶和啡走。 蜜汁叉燒通心粉的湯底幾好味， 叉燒份量好多，最正係蒜蓉包，熱辣辣好香蒜蓉味。 瑞士雞翼撈公仔麵又邪惡又好食， 雞翼煮得入味， 用瑞士汁撈公仔麵食到停唔到口，牛油多士也不錯。經常都會到紅磡的，但第一次試這間冰室， 估唔到普通一個常餐都可以做得咁好味， 值得推介！😋

除左常餐 ，午餐都好抵食又正。嗰日去左紅磡冰室見到好多人食常餐。之前食咗好多次覺得好正，啲瑞士汁雞翼真係好香！但最近有啲食厭左。所以同左個fd嗌咗個午市套餐嚟食！我地叫左花膠伊麵同排骨陳村粉！啲花膠好滑好濃味！伊麵吸曬啲汁，食到尾都仲好足味。仲要有八九舊花膠都只係賣四十幾蚊！！！真係好鬼抵食！！！排骨陳村粉都好正！！啲排骨好多好大舊，舖面成隻碟！！！啲肉汁蒸完之後流曬去啲陳村粉到！！！好鮮好好味！真係好正嘅一間茶餐廳！！！