雪山冰廳

营业中

休息中

长沙湾有唔少食肆，呢日想食下小菜，就黎到雪山冰厅，七点几黎到都好多人了，好彩都仲有张吉台。餐牌上食物同饮品选择都多，出面黑板仲有是日鲜鱼。每个𩠌加几蚊就可以转餐，跟餐饮同白饭。XO酱海中宝西兰花。海中宝有鱿鱼、鱼块，同埋虾。味道适中，唔会过咸，XO酱惹味，送饭一流。蜜椒野菌薯角牛仔骨煲。上菜时热辣辣，牛仔骨餣得好入味，亦好易咬，正啊。野菌同薯角亦都好多，甜甜地又香口，好好味。砂煲虾干生啫芥兰。芥兰系用BB芥兰，捞埋啲虾干肉碎，好香口惹味，令本身唔太钟意食菜嘅我都食咗好多。饮品叫咗樽仔奶茶，入口浓厚而且好滑，推荐，如果第日行过都会散叫买支黎饮。另外，仲叫咗华田曲奇妙趣，华田上面有厚厚的cream，都好饮。