影片
更多
2013-02-21
514 浏览
今次要介绍的是一间老店，我估在红磡都应该开左廿年以上，就系芜湖街嘅一本铁板烧个名系咪好熟呢？我估去过红磡既朋友都有留意过呢间日式居酒屋﹗其实细细个去红磡已见到呢间野，初次吃反而是大学的年代，事隔十多年，近一两个月再去，记忆中佢既食物竟然无咩加价﹗食物全部都是薄利多销，即制寿司七蚊两件，食物碟碟都系三四十蚊有交易。今次介绍是街尾既新店，上次在老店吃时店员话做埋呢个月业主便要收铺了，要吃就要去新铺﹗三文鱼腩刺身，油脂甘香软滑，$60有半磅，如一次过order一磅才$100﹗北寄贝刺身一客六片，好像才$30﹗真系咁平边到揾？识我既朋友都知，食店酒水对我最重要，可幸这儿除食物便宜外，酒水更加平到得人惊﹗大老青岛只系$14支，呢个价钱大排档都平唔过佢﹗当然系劲饮啦﹗如要喝清酒的话，最平既1.8公升既千贺寿只系$98，痴线Citysuper同酒铺都仲要卖得贵过佢﹗不过明天要开工，今晚唔敢同食家畅饮，清酒易入口又快醉，都系放假先来片过﹗这儿也有存酒服务，饮唔哂留个电话下次来就俾番你，唔好以为咁鬼平就无好服务﹗炒杂菜﹗来这儿除了吃便宜的刺身寿司外，亦要一试佢既即叫即做铁板烧﹗铁板鱿鱼须香口美味﹗友人最
一本铁板烧
个名系咪好熟呢？我估去过红磡既朋友都有留意过呢间日式居酒屋﹗
其实细细个去红磡已见到呢间野，初次吃反而是大学的年代，事隔十多年，近一两个月再去，记忆中佢既食物竟然无咩加价﹗
食物全部都是薄利多销，即制寿司七蚊两件，食物碟碟都系三四十蚊有交易。
今次介绍是街尾既新店，上次在老店吃时店员话做埋呢个月业主便要收铺了，要吃就要去新铺﹗
三文鱼腩刺身，油脂甘香软滑，$60有半磅，如一次过order一磅才$100﹗
北寄贝刺身一客六片，好像才$30﹗真系咁平边到揾？
识我既朋友都知，食店酒水对我最重要，可幸这儿除食物便宜外，酒水更加平到得人惊﹗大老青岛只系$14支，呢个价钱大排档都平唔过佢﹗当然系劲饮啦﹗
如要喝清酒的话，最平既1.8公升既千贺寿只系$98，痴线Citysuper同酒铺都仲要卖得贵过佢﹗
不过明天要开工，今晚唔敢同食家畅饮，清酒易入口又快醉，都系放假先来片过﹗
这儿也有存酒服务，饮唔哂留个电话下次来就俾番你，唔好以为咁鬼平就无好服务﹗
炒杂菜﹗
来这儿除了吃便宜的刺身寿司外，亦要一试佢既即叫即做铁板烧﹗铁板鱿鱼须香口美味﹗
友人最爱系佢地既铁板粟米$18，粟米甜牛油香，好吃﹗
我唔食鱼，盐烧三文鱼头$28 当然没有我的份儿，不过食家同友人都话鱼够嫩烧得好味﹗
牛肉煮大根，萝卜同牛腩炆得够腍又入味，痴线价一大碗只系$8﹗友人是三文鱼痴，又点多半磅三文鱼腩﹗
前面是象拔蚌刺身，这个就麻麻地，不推荐﹗
我来这儿必一个人吃三碟以上的薄烧牛肉﹗薄薄的肥牛片在铁板上轻烤数秒，再卷上大量蒜片及香葱，在半生熟的状态下上碟，这就是名物薄烧牛肉﹗
半生熟牛肉香嫩，蒜片加葱极香口，牛肉味浓郁，嗜牛嗜蒜者必吃﹗
锡纸焗海鲜菇$25，菇甜牛油香﹗
七味粉炸鸡球，这个就嫌炸粉太厚了。
铁板鸡翼尖$18，是佐酒良物﹗总体来说食物均不错，当真是价廉物美，三五知己来大吃大喝也不过是二百蚊有找﹗
但当然，一分钱一分货，刺身寿司不是会吃到呱呱声的那种﹔烧物制作亦没有出面的讲究及变化，铁板烧主要是用上蒜片、香葱、牛油、海盐及黑椒来调味，当然不能与坊间的正宗居酒屋相比，但来饮两杯，揾食物佐佐酒倾下计，是大众化的廉价选择。
最后埋单成十支青岛，两支清酒，再加不知几多样食物，饮饱食醉每人才$180，故最近差不多隔个星期都与食家来吃，就昨晚所见，七点左右已全场爆满，连吧枱都坐满人就知这老店有不少捧场客，能在变迁中的红磡生存廿年有多，总有原因吧﹗
我已将一本列为我的心水餐厅了﹗
更多一本相片，请到我Blog或facebook参考﹗
题外话/补充资料：
一分钱一分货，刺身寿司不是会吃到呱呱声的那种﹔烧物制作亦没有出面的讲究及变化，铁板烧主要是用上蒜片、香葱、牛油、海盐及黑椒来调味，当然不能与坊间的正宗居酒屋相比，但来饮两杯，揾食物佐佐酒倾下计，是大众化的廉价选择。
(以上食记乃用户个人意见 , 并不代表OpenRice之观点。)
张贴
