一本鐵板燒日本料理 (已結業)

小弟第一次寫食評：7pm入座，叫咗半磅三文魚腩，墨魚刺身，鐵板秋都魚，牛肉炒飯，兩瓶波子氣水唔計嘢飲點餐 20 分鐘後先嚟三文魚腩 + 墨魚刺身之後等咗大半個鐘重未有得食，但唔知點解遲嚟過我哋嘅三台已經食緊。追咗三次，我話唔嚟我賣單走，之後嚟咗個牛肉炒飯，離遠見到已經覺得唔對路，Cancel 咗秋都魚後一食個飯竟然係完全無味，食多一啖之後即刻買單走 (咁就 $257)評語係：真係勁爆伏，等咗差唔多一個鐘食左個垃圾都無得再垃圾嘅炒飯，真心唔明點解可以咁多人食，同快啲執咗佢，唔好害人

紅磡一本10幾年前，星期六同同事們食lunch記憶中日式炒飯好好味今日12點07分到，一個人都無叫了薄燒牛肉飯等了15分鐘才有質素香港式大份的無興趣下次再去好在搭巴士去銅鑼灣10分鐘已到達

話說其實我琴晚已經打左篇食評但唔知點解admin仲未批我個留言可能標點符號太多 咁我就嚟一個冇標點符號嘅version啦話說我十年前黎呢間嘢食 同當時嘅女朋友嚟呢度都幫襯過好幾次嗰陣時覺得的確係幾好食咁又話說琴晚同依家既女朋友又返嚟幫襯因為女朋友話門面都好似幾靚 想入嚟試下咁呢個伏就甘開始 remarks我冇怪我女朋友咁好啦一坐低就落order點知等咗40分鐘先有嘢嚟前題係我隔離枱遲過我 佢竟然早啲有得上菜我諗如果我冇催促佢上菜我可能真係要等成個鐘我見另外隔離枱都有啲漏單嘅情況呢個都算啦我心諗等耐啲都唔緊要啦如果你好食嘅話點知嗰個嘅焗雜菌真係得少量牛油味同一大灘水我女朋友話佢整得仲好食咁跟住嚟咗一碟好似爭鮮咁嘅level嘅三文魚刺身 中規中矩啦但啲畫沙b就犀利囉 供鼻供到眼淚水都標埋出嚟個前菜就係螺同埋中華沙律 正常packing嘢跟住個鐵板燒完全毫無味道可言 真係一滴鹽都冇 淨係食到少量嘅蒜味 浪費咗啲牛柳同埋雞軟骨 可能俾我整仲好食過佢跟住嗰碗麵豉湯 唔知係縮咗定點 飲落去咗少少酒味 總之好難飲跟住個鵝肝炒飯仲經典 用顯微鏡都搵唔到任何鵝肝 淨係搵到啲粟米粒同埋蘿蔔粒 但油到咁真係

今日已經好灰比人放飛機好少去何文田，諗住食返餐好d既日本野平衡返心理入到去叫左個lunch set壽司加烏冬（壽司師傅隨意比既壽司），另外我再加左甜蝦壽司，芥辣八爪魚壽司，一黎到個甜蝦壽司係得一條甜蝦係上面，幾咁孤零零😂我都係第一次見得一條，可能我經驗少啦。甜蝦入口係正常既，但個飯唔知咩事，好實，d味又怪怪地啦，我係好中意食壽司飯既，結果的只食左一舊其他都入唔到口😂😂😂😂個芥辣八爪魚壽司係稀了了既奇怪口感，唔識講。其他佢配既壽司有兩件入左口難食到要lur返出黎。。。。真係未試過🧏‍♀️只有個烏冬正常可以入口。。。但唔會話好食啦。唯一既好處係係乜人，可以一個人坐四人枱。總結食完之後我既心情係灰上加灰。完。

食過一次，喜出望外咁平，今日專登再食。講價錢 係無敵嘅，味道唔差，都大份。食具唔係貴貨，但唔肯換。食物要等半小時。伙記態度唔友善：點「汁煮三文魚」伙記A 話售罄，轉「炸骨腩」。等左好耐，問伙記B 「你話冇汁煮魚」（想講：轉炸嘅 有冇落單）都未講完，即駁：唔係我話嘅😯sorry lor 我想講「你 （公司）」

未食過咁難食嘅日本餐廳特登登入寫食評，希望大家唔好中伏頭先我哋叫咗個牛柳套餐，然後佢話冇牛柳要轉牛博片燒，咁都算啦個雞軟骨同埋個牛片都燒到變炭一樣個牛油焗雜菌啲水多到以為叫咗個湯，一啲味都冇個麵豉湯勁鹹，飲完真係會生腎石比較好食嘅就係得佢哋嘅蝦同埋雞泡魚乾總括來講都係唔推薦大家去食，睇到食評有啲人話抵食，其實以咁嘅價錢嚟講，食物質素可以好好好多，所以係一啲都唔抵食，而且服務質素好差，啲侍應掛住傾偈。所以奉勸大家唔好貼錢買難受

第一次忍唔住要寫食評服務態度極度惡劣 員工黑晒口面 零笑容/零招呼 收錢時連多謝都唔講聲 仲好意思收10%服務費食物極唔新鮮 壽司飯好硬 應該雪左好內赤貝直頭腥到擺唔到入口 一定無下次

日式居酒屋格局的食肆，取價公道，豐儉由人，可以輕食、大食，或小食送酒等，一人或多至十人、八人也可以。質素也是可接受的，當然不能要求過高呢！串燒、燒物是必吃之選，即叫即燒，所以需要有點耐性，炒飯也不錯，還有不同抵食套餐，飲品有茶(免費)、枝庄汽水($8枝)、罐庄特飲($10罐)及多種酒類，消費每位不用$200已可飽飽落樓，招呼也到位，算不錯呢！

慢慢慢到喊no service寿司好難食落單又錯 而家2019年仲係手寫落單店員態度惡劣冷麵order左一小時才有隔黎枱都嬲左 要取消order坐左喺度食左垃圾 浪費左兩小時點解仲會收10%？

好少有一間餐廳真係會話佢係難食，但呢間餐廳嘅壽司絕對可以講係難食。因為喺附近上堂嘅關係，所以就搵咗呢間食嘢，因為佢係地鐵嘅附近。 佢係有拉麵呀，鐵板燒，壽司等等嘅日本嘢嘅。我叫咗三文魚壽司兩件同埋一個牛肉拉麵。呢個三文魚壽司本身其實我對佢都冇乜期望嘅，因為佢係8蚊就兩件，我諗住係爭鮮咁樣啦，但係估唔到佢可以難食過爭鮮！！d 飯勁硬！ 跟住呢個係牛肉拉麵，嗰日我係有啲趕時間嘅，催咗好耐呢先至有個麵畀我。我諗住點解要整咁耐呢，原來因為佢牛肉唔係肥牛嚟嘅，係一啲真係燒過嘅肉，可能係鐵板燒呀，咁係有啲驚喜嘅。咁個麵呀都係正正常常，有啲粟米呀咁，上面啲紫菜呢係勁唔得嘅！！總括而言呢間嘢真係唔好食佢d 壽司！ 仲有呢間嘢呢其實係有加一嘅，睇佢真係唔似，但係有嘅。

午飯時間途經紅磡區，被門外餐牌上面的價錢吸引，即管一試。餐廳平民比，店內環境寛闊店員不足，落單各樣需要稍等。午餐價廉，味道普通 不過不失，壽司🍣方面 飯太硬並非日本軟黏的珍珠米，以價錢衡量亦都可算是抵吃。

$68的魚生飯，一見到實物，嚇到彈起，魚生得幾片，全部瘦身➕迷你版，18蚊的盒飯都好食過距，最慘係飯超凍，形成一舊，店員話，魚生飯就係凍既，凍可以接受，但都唔應該又凍又硬，最後，放棄離去

呢間日本店都屹立左好多年，今日繼續想食日本野，就入去試下，結果係....食完好灰先叫左呢個黃金墨魚餅，味道係普通炸野既味，咬落好腍，其實就唔太食到有墨魚味，好普通既味道，但都可接受既。再黎呢碟加州大蝦卷。一睇個賣相已經好唔吸引。d蟹籽一忽忽，重點係d壽司飯，真心未見到有黏埋一團既壽司飯，個賣相大打折扣。食落都係一團，炸蝦亦冇炸蝦既鬆脆，真心好難食..... 仲有就係海鮮炒麵。首先佢附送一條短曲毛髮係碟邊，之後d麵亦比較黏，味道怪怪的。唔知係放d咩醬汁去炒，總之就.....非常麻麻。其實仲叫左兩串串燒，等左好耐都未有，原來係冇落到單，而明明只有三四檯人...不過算啦，食完其他都已經唔係咁期待個串燒。

在寸土寸金的香港，這家店面的桌椅密度真是相對寬鬆的，跟朋友溜達到附近，他推薦這家試試，主要是不用等位這是第一重要的了。除了刺身，壽司和定食，還有鐵板類和串燒類，算是種類比較豐富的日料店了要了烤salmon，這個主要看食材新不新鮮，其次才是大廚的做法，味道不是很驚艷，口感微微有點柴鐵板大蝦，還不錯，蝦夠大，兩隻是一份，吃起來口感比較緊實飲品類，玉露口味好幾種，可以試試

今日朝早係鑽石山打完波，就搭反去河文田站再等下晝反理工上堂，上堂先想食個飯先。行過橫跨漆咸道北嘅天橋，就見到依間「一本日本料理」，聽同學講過係附近必食之一，就入去食下。入到去環境唔錯，好有日本feel。望望餐牌，嘩！超抵午市套餐竟然只係25蚊！仲平過學飯唔少嘅野食。個套餐有鹽燒三文魚骨、沙嗲牛肉竹筒飯、日式菜湯同青芥三文魚壽司兩件。鹽燒三文魚骨真係燒得唔錯，好香好入味，唔會太咸。至於三文魚竹筒飯就okay啦，因為無咩味，不過油份適中，都幾健康嘅。日式菜湯都幾好，係有少少咸但好入味，飲完又唔會有味精口渴感。青芥三文魚壽司就真係唔錯。雖然唔係得預想中有三文魚刺身係面個種，但食落味道真係唔錯，青芥味道濃郁、與三文魚醬混為一體，口感亦好好，為依個套餐加分。