更多
2018-07-09
220 浏览
星期六同屋企人去观塘行街街,行到攰就揾间酒楼食晚餐。听讲有间酒楼街坊价位,于是上去试试。我哋大约6点去到,可能太早未有太多人用餐,一坐低部长就企定定招呼。由于未帮衬过,问吓部长有咩推介,佢帮我哋落咗拔丝菠萝咕噜肉同元贝浸胜瓜。呢排天气咁热,想食辣嘢,所以我哋叫多个水煮牛肉同肉碎炒四季豆。大约5分钟,拔丝咕噜肉就出现,用桃片围碟边,靓到好似去饮宴咁!一夹起旧肉,真系拔丝㗎~外层又甜又脆,咕噜肉淋淋地但唔肥、又冇骨,部长果然冇介绍错!元贝浸胜瓜亦有惊喜,初初谂住元贝会系细细粒,点知大过五蚊银,仲有埋条元贝边!咬落清甜,有5大粒,抵食!水煮牛肉就可以再辣d,反被吸晒辣汁嘅青瓜抢晒镜肉碎四季豆就加入姜葱炒,非常香口!最赞嘅系酒楼用白灯光,够晒光猛,仲有超大电视,可以电视捞饭!
我哋大约6点去到,可能太早未有太多人用餐,一坐低部长就企定定招呼。由于未帮衬过,问吓部长有咩推介,佢帮我哋落咗拔丝菠萝咕噜肉同元贝浸胜瓜。呢排天气咁热,想食辣嘢,所以我哋叫多个水煮牛肉同肉碎炒四季豆。
大约5分钟,拔丝咕噜肉就出现,用桃片围碟边,靓到好似去饮宴咁!一夹起旧肉,真系拔丝㗎~
外层又甜又脆,咕噜肉淋淋地但唔肥、又冇骨,部长果然冇介绍错!
元贝浸胜瓜亦有惊喜,初初谂住元贝会系细细粒,点知大过五蚊银,仲有埋条元贝边!咬落清甜,有5大粒,抵食!
水煮牛肉就可以再辣d,反被吸晒辣汁嘅青瓜抢晒镜
肉碎四季豆就加入姜葱炒,非常香口!
最赞嘅系酒楼用白灯光,够晒光猛,仲有超大电视,可以电视捞饭!
张贴