越一越南牛肉粉專門店 (已結業)

同朋友系荃湾行街，见到呢间越一就来食个午餐先，见佢价值几平！因为好早去，所以无咩人坐得好舒服❤️ 呢间座位阔落，倾下避都几开心！两个女仔食野梗系share! 叫左一个越式三宝饭，酸辣虾头膏扎肉汤檬粉同一d小食！牛油鸡翼、春卷同两杯野饮！一来到仲有小沙律，酸酸地好开胃！ 酸辣檬粉酸辣度啱啱好， 店员仲好贴心问我地怕唔怕辣！女仔都食得嘅程度，檬粉方面我就嫌谂身左少少，个人比较钟意食硬身弹牙少少的质地，可能捞檬更岩我啦～ 虾就值得一赞，两只虾都几大只，半只手版到，虾膏当然就多啦，甘甜味几舒服入口，虾肉都弹牙啖啖肉！扎肉口感好好，唔会粉粉谂谂，超正！吸埋汤汁正到喊！越式三宝饭可以一次试多几种𩠌！有扎肉、鸡翼同猪排！最推荐系牛油鸡翼，仲encore左，炸得劲好，唔会话太油，皮炸得薄脆，入面又有肉汁，仲有炸葱蒜系上面，加埋牛油香夹到绝！扎肉就都系好好食☺️ 猪排就觉得略干左少少，但分量都系好足，一个男仔食都够饱🤣隔离伴碟的蕃茄青瓜好refresh, 唔怕食得多炸野油腻，中和下再食！香矛鸡翼encore，因为好好食！香矛味好出！必食！岩岩炸起真系无得输！春卷唔同平时中式酒楼食个种，皮薄唔厚粉，入面料好多