薩莉亞意式餐廳 (得寶商場)

营业中

休息中

喺九龙湾谂唔到食乜好，朋友话不如食萨莉亚， 都好耐冇食，而且又粮尾，去食萨莉亚就啱啦！以前必定会食墨鱼汁意粉，因为贪佢食完个嘴黑蚊蚊，可以影相笑下玩下。今日都有叫到黎食， 朋友觉得墨鱼汁偏咸，而我就觉得太油，特别系最底𠮶啲有都食唔落口。仲有叫邦哥尼意粉，系蚬同番茄酱。个酱有少少辣，但就冇墨鱼汁意粉咁油。肉酱多利亚焗到芝士有少少㶶，有拉丝效果！香辣鸡翼辣度好低，唔食辣既朋友绝对食到！重有焗菠菜鸡肉，菠菜几嫩👍🏻下个月粮尾可以食萨利亚。不过下次唔会再嚟呢间分店，因为临走嘅时候系墙身发现有只曱甴仔，吓到我哋即刻走 😨淘大新开𠮶间应该干净啲。