啖啖肉

营业中

休息中

之前嚟葵广扫街，炸鸡小店就只有CHOCK鸡。事隔几年，原来开左间新炸鸡店，不同之处在于新小店系配各款调味酱料，而非调味粉。同埋有我最中意嘅洋葱忌廉味!!😍 绝对唔可以错过。网上写小店下午1点开门，但星期一平日，我准时一点到达，仍然未开😂。半个钟后番嚟，已经有唔少食客。其实之前睇youtube见有人介绍，话平日唔忙果阵可以双并口味，但当日职员话唔并得。同埋由于小店位置又热又企满人，所以我地行开左。大概7分零钟番嚟，个职员好恶咁讲嗌左你个number好多次….😥洋葱忌廉炸鸡$48老实讲，价钱唔算平，一份只得五件🤔。首先试左个酱先，酸忌廉好滑，滑到痴唔实件鸡而跌哂落嚟；酸甜度适中，食到葱头嘅位置先会有葱香，个人觉得葱味可以再浓D。炸鸡炸衣好薄，即食好酥脆，不过琼油时间唔够，好多油。鸡件无乜特别，无腥味亦食唔出调味料。除非好中意食个酱，否则试一次就够，因为性价比唔高，同场仲有其他选择。