NEXT Shikaku (已結業)

呢间店一直都好想试，不过之前都做足 research，食评都系普遍话如果呢个价格定位唔系好值。但系，一间咁标志性嘅店，点都试一试啦。牡蛎🦪清汤拉面🍜香味 (4/5) - 一闻落去，香味系足。主要系闻到蚝味，烟熏味，同少少鲣鱼味。汤头 (3/5) - 本身系清汤，饮落有蚝味同贝类嘅鲜甜味，鲜度够，不过咸度稍为高左D。个拉面入面有一堆鲣鱼粉，本身个粉我有试过，系不带咸味嘅，所以我觉得佢过咸左D，系因为个调料，相信系盐汤加多左。而且，捞匀左个鲣鱼粉之后，个汤就变得混浊了，以下张图系捞埋堆鲣鱼粉之后影嘅。面条 (3/5) - 以粗度来讲，目测系中细面或中太面之间，而明显系平打面，比较扁身。面条口感味道都算唔错嘅。配料 (3.5/5) - 因为系牡蛎拉面，当然著眼点系个蚝本身。试落，基本上系急冻广岛蚝，系够鲜嘅，不过冇惊喜。此外，葱系有心机嘅，我估系用九条葱，切成条状，刀功值得一赞。另外有加左食用花，增加香味同味道层次。猪叉烧系最好嘅部份，有用火枪烧过，好香之余，就算用嘅系五花肉部份，都唔会太油腻。咁多配料当中，只有呢块（得一块😅）我系珍而重之咁食。虾云吞方面，皮薄馅靓，系几好食，虾颇鲜又爽口。