柳氏家 (已結業)

情人节当日夜一夜先系中大放学，同朋友决定系沙田觅食，见到柳氏家有宵夜优惠，九点后入座食75分钟既放题，可以减五十蚊，所以就攞飞等位，因为当晚好多情侣等位，所以等左半个钟左右先入到去。因为朋友唔食得辣，所以就叫左个期间限定既牛油蒜香鸡，料系好足，因为佢仲送埋两碟肥牛，但味道就麻麻，比较淡，鸡无点腌过，炒饭亦痴晒底。唯一觉得好掂既系紫薯年糕，个紫薯馅好清甜。食完个炒鸡同炒饭其实已经好饱，但都想打边炉渌小小菜食，点知转个火锅汤底又会比多几旧鸡我地，有少少浪费。打完边炉又有雪糕可以食，其实以百几蚊黎讲既放题算系超抵，边炉又有海鲜料，沙律bar同配料都任拎，虽然炒鸡同火锅汤底就无咩闻味，但以饱肚同多选择黎讲系赢晒。