樂天經典 (奧海城二期)

营业中

休息中

平日唔驶等位。场内枱与枱都几贴。比较嘈。坐低叫完茶侍应就递上前菜。花生煮得够粉够入味。栗子就微甜。味道唔错。餐厅有一个特色就系菜式有分大中细。原意当然系方便多少人都可以叫菜。不过其实都完全冇概念大中细即系有几多。一系就下下问侍应。但其实侍应都好难答到哂。😵不过当日侍应好耐心解答。值得一赞。叫左金银蛋菠菜。金银蛋好多下。个汤都十分浓。不过汤下其实好少菜。成旧水真系有啲贵。芥末虾球。虾都大只爽口。不过个汁未算出色。都系普通芥末加沙律酱味。海鲜炒饭走左葱之后卖相比较单调。仲用左好大只碟装住得半只碟嘅饭。不过炒饭炒得都算几香。料亦都够。三杯牛肉煲有惊喜。原本系鸵鸟肉。冇货所以转左牛。个煲有好多炸姜片。连埋牛肉食十分惹味。虾酱鸡翼。炸完又脆又热。不过觉得味道偏咸。