孖寶車仔麵

营业中

休息中

好多年无嚟葵广食嘢，啲嘢贵左好多。今日叫咗四个𩠌，鱼肉，萝卜，鱼蛋，猪皮，油面，孖宝辣汁加三蚊，加罐汽水，总数系69，而家喺葵广食碗面都要70蚊，真系唔知讲咩好。讲返碗面，汤底面质都正常，最好食系𠮶个辣鱼蛋，系陈皮鱼蛋，仲有个鱼肉都几唔错，烟韧，有鱼味，唔系粉多过肉𠮶只。萝卜就略嫌唔够腍，再腍啲入味啲更好。总括嚟讲呢间孖宝系ok好食嘅，但不能算有惊喜，亦唔会吸引我再嚟。目测好多人嚟食肠粉烧卖，应该比较抵食 。