華園餃子館

营业中

休息中

到何文田工作完就必定会行到胜利道浅尝呢一间舖头既特色食物....以往其实都食过好几次，但今次先为呢间舖写食评!餐厅入面有好多唔同种类既食物，粉面饺子小食有好多款，痴到成墙都系眼花撩乱....试过好多种食品之后，始于觉得只有几款系必点食物，其他都有d普通，完全系可以自己返屋企整既! 其中一款必试面类就系甜酒豆腐乳捞面，50几蚊细细碗，份量唔多但饱肚。味道浓，咸得黎又唔会over左。甜酒味问心就唔系好食得出，但唔讲都唔觉自己食紧既系腐乳，个捞面每一条都沾满腐乳酱，捞得好均匀，我认为呢个面先应该做呢间店既招牌，因为有特色既，出面小食店未必食到!另外叫得做华园饺子，就当然要食下佢既饺子。试过多款之后我钟情茴香鲜肉饺。 其他味道饺子都比较普通，唯独呢款系得我欢心。 茴香同鲜肉比例岩岩好，茴香既香叶味可以有提鲜作用，但又唔会抢左肉味，饺子皮都算薄，所以呢个饺都非常好味!50几蚊有10只饺黎讲都唔算贵。而餐厅其他既小食我就觉得份量系比较小，客人可以点餐前望一望酱上既食物相先点，佢既食物相都冇乜修图，唔会只供参考都算系真实反映到有几大碟同几多旧。