ASAP As Simple As Possible

营业中

休息中

呢间餐厅外型似足一间cafe，但里面原来有好多唔同嘅嘢食，午餐日式西式都有，好难得有沙律餐，梗系叫个试下啦。炭烧鸡脾扒陪柚子醋田园沙律 $72午餐有跟餐汤，我叫咗粟米汤，香草令碗汤好香，整体亦非常creamy，仲有超多粟米粒，唯一系畀个超细匙羹我，好麻烦。鸡扒都几大块，外层有少少脆皮效果，鸡肉腌得够味，都唔会好鞋口。而主角沙律就相当出色，沙律菜新鲜爽脆，份量亦够多，仲有少少火龙果带番甜味，柚子醋都唔系落咗好多，可以食到蔬菜新鲜嘅味道。特浓咖喱牛肋肉滑蛋盖饭 $84咖喱够香，但唔会好辣，牛肋肉有嚼劲唔会韧，最出色系个蛋包饭，食得出用上高质鸡蛋，蛋味香浓，加埋好有口感嘅米饭，食完系有满足感嘅。整体而言佢系好食嘅，只系一个午餐要呢个价钱又好似贵咗Ｄ。