發記海鮮酒家

营业中

休息中

朋友揸车接我收工一齐去食晚饭，提议去布袋澳一间几出名，好多明星都去嘅星级海鲜饭店，将车泊喺大坳门路表位，一边睇风景一边行落去，原来惠顾酒家有车位可泊，仲有小巴来回将军澳，下次会醒目了。芝士焗龙虾生面底，龙虾新鲜弹牙，芝士香浓，生面吸收芝士好食。酥炸墨鱼，炸鲜鱿食得多，炸墨鱼第一次食，墨鱼新鲜有弹性，一啲都唔韧一咬就断，外层香脆。豉椒炒蛏子肠粉底，用好大条蛏子皇炒新鲜爽弹，鲜味十足，酱汁好惹味微微香辣唔会抢咗蛏子鲜味，肠粉做底亦系好正。蒜蓉粉丝蒸元贝，蒜蓉加粉丝同元贝混为一体，同样爽滑。果皮蒸鲍鱼，鲍鱼啱啱熟，果皮香味渗入鲍鱼，点少少豉油Q弹爽脆。所有海鲜都系鱼缸新鲜捞起，厨师功夫很好，味道一流而且价钱合理，愉快的一餐。