青花汾

营业中

休息中

成日去中环街市都经过呢间【青花汾】，见主打刀削面同药膳汤底，仲要次次经过都觉得超级香。所以今次终于去试左。招牌风味鸡丝冷面：冷面加上甜豉油、辣酱、沙律酱，搭配鸡丝同青瓜。豉油有少少偏多，有D咸、口味比较清淡既可以同店员讲要少D豉油。冷面非常适合宜家炎热既天气、鸡丝同青瓜都系清凉既，好消暑。不过因为有辣酱所以有少少偏辣，可以自行选择捞几多。加左沙律酱、酸酸甜甜好特别。招牌麻辣口水鸡罐汤拉面（手擀面）：见个个都系叫呢个套餐，当然要试下。麻辣口水鸡分量超级多，感觉超过1/4只。肉质嫩滑、不过唔系好够麻辣。罐汤拉面加钱转手擀面、口感十足、而且药膳汤底非常香浓。砂锅罐汤菜肉云吞：都系用药膳汤底、馅都算多，但皮未算太薄。五香豆腐干：五香豉油味香浓、豆腐干分量都算多。