風車

营业中

休息中

为庆祝朋友升职，朋友推介大围 风车，所以订左枱好好甘庆祝下。我地都挂住倾计，都唔知食咩好，店员好贴心，推荐2人餐，岩晒我地尼d无所谓。 而且个2人晚餐，齐晒西餐既菜式，价钱又好合理，讲下有咩食先：头盘-「意式田园沙律配烟熏鸭胸」估唔到有好多片烟熏鸭胸，2个人食岩岩好，唔洗争。沙律菜好多，而且酸度刚好，好开胃。汤-「红汤」唔好以为系普通红汤，饮落系有蕃茄蓉。「龙虾汤」本身怕龙虾汤会有腥腥地既味，但系饮完无觉得腥，而且发现个汤有龙虾肉。如果爱浓汤既，建议饮龙虾汤，因为味道偏浓。主菜-「纽西兰肉眼扒配焦糖菠萝」块菠萝好大块，本身唔太钟意食菠萝，怕太酸，结果朋友话好好食好甜，粗粗地试左，真系好甜，而且菠萝表面加埋焦糖烧过，所以食落表面系脆脆既。肉眼扒我地叫左7成熟，熟度刚好，而且大小刚好，配埋个烧汁，成件事好完满。「波士顿龙虾意大利粉」哗哗！系原只开边龙虾，仲要用芝士焗嫁，好邪恶啊，但好好味，肉质弹牙。意粉系炒意，食落唔觉腻，配埋芝士龙虾岩岩好。甜品-「朱古力蛋糕」份量刚刚好，本身怕好甜好腻，甜度岩岩好，而且中间有慕斯，中和番，整体唔错。