影片
2018-07-01
1894 浏览
喺尖沙咀shopping完就到觅食时间，去亚士厘道行一转，见到Amitie Kitchen易拉架，写明厨师喺五星级酒店任职多年，见食品图片卖相几吸引，一于试吓。星期六晚上全场满座，楼上餐厅嚟讲算系相当旺场，相信食物质素一定唔会差得去边。先嚟一盘面包，用木板上，上枱𠮶阵仲系暖架。全部面包都好松软，配有牛油同来自澳洲嘅杏甫果酱。诚意十足！【芝士焗松叶蟹羔大啡菇$68】溶咗嘅芝士冚住大啡菇，入面有大量香菇、红黄椒、真蟹肉、洋葱等等，加埋蟹羔香味，味道丰富。大啡菇本身亦肉厚juicy，味道浓郁。用料十足兼有质素，抵食。 【纽西兰肉眼扒$118】系碳烧处理嘅肉眼扒，我哋叫咗五成熟，切开见到粉嫩肉质，咬落软腍兼肉汁丰富，食落浓浓牛肉味同可口碳烧味并重，再加上牛扒本身肥瘦适中，所以仲有阵阵牛油香味。$118嚟讲CP值几高。精选晚巿套餐【吞拿鱼他他伴日式芝麻酱】粉嫩吞拿鱼蓉入面有香葱碎粒，口感绵密而味道新鲜，不过就唔系好食到芝麻酱味。【厨师是日餐汤 - 周打蚝汤】周打鱼/海鲜汤就饮得多，周打蚝汤就系第一次饮。汤呈黄绿色似青豆汤，饮落好幼滑，鲜甜蚝味完全融入喺个汤度。个汤仲有饼块同粟米，如果有返一两粒蚝
星期六晚上全场满座，楼上餐厅嚟讲算系相当旺场，相信食物质素一定唔会差得去边。
先嚟一盘面包，用木板上，上枱𠮶阵仲系暖架。全部面包都好松软，配有牛油同来自澳洲嘅杏甫果酱。诚意十足！
【芝士焗松叶蟹羔大啡菇$68】溶咗嘅芝士冚住大啡菇，入面有大量香菇、红黄椒、真蟹肉、洋葱等等，加埋蟹羔香味，味道丰富。大啡菇本身亦肉厚juicy，味道浓郁。用料十足兼有质素，抵食。
【纽西兰肉眼扒$118】系碳烧处理嘅肉眼扒，我哋叫咗五成熟，切开见到粉嫩肉质，咬落软腍兼肉汁丰富，食落浓浓牛肉味同可口碳烧味并重，再加上牛扒本身肥瘦适中，所以仲有阵阵牛油香味。$118嚟讲CP值几高。
精选晚巿套餐
【吞拿鱼他他伴日式芝麻酱】粉嫩吞拿鱼蓉入面有香葱碎粒，口感绵密而味道新鲜，不过就唔系好食到芝麻酱味。
【厨师是日餐汤 - 周打蚝汤】周打鱼/海鲜汤就饮得多，周打蚝汤就系第一次饮。汤呈黄绿色似青豆汤，饮落好幼滑，鲜甜蚝味完全融入喺个汤度。个汤仲有饼块同粟米，如果有返一两粒蚝就完美啦。
【油封鸭脾伴迷迭香蒜味粗身马铃薯蓉、蓝莓酱$288】鸭脾都几大只兼多肉，煮得入味，外皮封煎得好脆。比较特别系配蓝莓酱，甜得嚟又唔会抢走肉味。难得嘅系厨师喺薯蓉都花心思用咗迷迭香做材料，食落冇咁闷咁寡。
餐饮我叫加咗$20转热果茶。只杯好靓架！果茶系用透明茶壶上，底下用蜡蜡㷫住，保持温度。生果多种类但果肉系细细粒嘅，饮落觉得味道酸咗少少。
整体嚟讲食物质素系水准之上，价钱合理，原本谂住食完就叹个甜品作结，不过已经冇乜战斗力，留返下次吧。
张贴
