Odelice! (海之戀商場)

营业中

休息中

近年有好几个朋友搬咗去荃湾西，所以多咗去𠮶边行街揾嘢食，荃湾西有好几个商场连埋一齐，其中海之恋商场就比较热闹多嘢食拣，今次我哋就去咗呢一间法国菜嘅连锁店，听到法国菜好多朋友都以为价钱一定好贵啦，但系呢间法国菜连锁店价钱又几大众化。首先我哋嗌咗一个杂锦海鲜荞麦薄饼 $168，海鲜如果挟饭或者挟意粉就试得多啦，挟荞麦薄饼又真几新鲜，同海鲜味道唔算话好挟，但系都几好食。另外又叫咗一份鱋鱼，呢个菜响好多法国餐厅都有，而且做好精致，好想睇吓佢做成点，佢做出嚟都冇失望嘅，鱼肉都几鲜嫩，不过个汁就唔够酸，争少少啦，另外又嗌咗一份罗西尼牛扒配埋鹅肝，鹅肝嘅口感都几丰富，扒都煎得唔错，整体嚟讲都呢个价钱食到法国菜都唔错，不过环境就争少少，因为佢系半开放式嘅设计，所以有啲人来人往有啲嘈嘅。