仙人掌 (已結業)

Cactus嘅 set dinner 价钱真系几抵，我同男友分别叫咗价值$98蚊嘅 set dinner 同埋好多openricer 赞嘅warm chocolate cake。男友叫咗牛扒鸡扒餐(跟沙律)，我就叫鸡扒焗蚝餐(跟沙律)。我地都觉得个沙律不太美味，沙律菜唔特别新鲜，dressing 又唔太好味。男友嘅牛扒鸡扒餐先上枱，portion 唔大，而且块鸡扒好薄。块牛扒都煎得OK，尚算嬾，但系相比起价钱相约的Sammys Kitchen 就争好远。鸡扒虽然啲肉唔算鞋，但一啲都唔肥美，整体上感觉较干，无味似雪鸡。我个鸡扒焗蚝餐都唔见得好。鸡扒同男友𠮶块一样咁普通，啲芝士菠菜焗蚝都几腥吓，又唔大只，一啲都唔好味。最后轮到好多人赞嘅 warm chocolate cake …唉！又系令人失望嘅货色。Cactus 用嘅朱古力好普通，流出嚟嘅朱古力桨劲甜，而且好明显劲多杂质。配衬嘅 vanilla 雪糕亦唔系覩货，淡而无味。埋单$270蚊，对食物要求一向高嘅P同J嚟讲就唔掂架啦，但系如果计埋佢嘅 environment 同埋价钱，就可以接受。