影片
更多
2019-10-18
2347 浏览
今个月系我一个识左十年嘅闺蜜生日月🥳所以我都好紧张，想请佢食餐好嘅生日饭去庆祝，然后好好纪念下。之前我哋生日饭通常都食寿司，今次想来点不一样，所以我谂左好耐之后决定请佢食铁板烧。系OpenRice 揾左啲铁板烧餐厅，发觉•天宝铁板烧•冇劣评，普遍评语都唔错，而且我同朋友都想支持下小店，所以决定光顾试吓师傅手势😋餐厅系上环AKVO酒店嘅30楼。一入去，灯光比我想像中光猛。餐厅只有一边可以望到街景，而且窗嘅范围好细，呢个景观有啲失望。师傅介绍二人餐会更抵，可以拣鲍鱼或者龙虾，牛肉可以选择美国或者加钱要日本A4和牛。我地拣左澳洲鲍鱼、日本A4 和牛嘅二人餐。$2750💸(for 两个人）前菜有沙律同埋鸭胸✨沙律菜新鲜，咬落爽脆🥬配上芝麻酱鸭胸我就觉得一般，因为我觉得啲鸭皮入口感觉肥腻之后师傅攞出今晚会煮嘅海鲜，仲主动问我地影唔影相😆鲍鱼好新鲜，仲识郁嘅，size 就差唔多有我只手咁大🤩师傅预先同我讲鲍鱼会有两只煮法首先食嘅系鲍鱼嘅中间部分，利用白酒煮。中心部位嘅鲍鱼入口有嚼劲。鲍鱼带有清清地嘅酒味同佢本身嘅鲜味好夹❤️唔洗点酱都好好食。之后呢个系鲍鱼嘅头同尾部师傅话佢用黑松露酱去煮，但我唔系好
所以我都好紧张，想请佢食餐好嘅生日饭去庆祝，然后好好纪念下。
之前我哋生日饭通常都食寿司，今次想来点不一样，所以我谂左好耐之后决定请佢食铁板烧。
系OpenRice 揾左啲铁板烧餐厅，发觉•天宝铁板烧•冇劣评，普遍评语都唔错，而且我同朋友都想支持下小店，所以决定光顾试吓师傅手势😋
餐厅系上环AKVO酒店嘅30楼。
一入去，灯光比我想像中光猛。
餐厅只有一边可以望到街景，而且窗嘅范围好细，呢个景观有啲失望。
师傅介绍二人餐会更抵，可以拣鲍鱼或者龙虾，牛肉可以选择美国或者加钱要日本A4和牛。
我地拣左澳洲鲍鱼、日本A4 和牛嘅二人餐。
$2750💸(for 两个人）
前菜有沙律同埋鸭胸✨
沙律菜新鲜，咬落爽脆🥬配上芝麻酱
鸭胸我就觉得一般，因为我觉得啲鸭皮入口感觉肥腻
之后师傅攞出今晚会煮嘅海鲜，仲主动问我地影唔影相😆
鲍鱼好新鲜，仲识郁嘅，size 就差唔多有我只手咁大🤩
师傅预先同我讲鲍鱼会有两只煮法
首先食嘅系鲍鱼嘅中间部分，利用白酒煮。
中心部位嘅鲍鱼入口有嚼劲。鲍鱼带有清清地嘅酒味同佢本身嘅鲜味好夹❤️唔洗点酱都好好食。
之后呢个系鲍鱼嘅头同尾部
师傅话佢用黑松露酱去煮，但我唔系好食到黑松露嘅味道🧐
味道会较前者浓郁，质感较软身啲。
睇住师傅系你面前用个叉，几下手势就将只虾剥左壳🤩动作好利落
🦐虾肉爽口弹牙
再黎嘅系鹅肝❤️
师傅煎到两边好脆，中间软身，入口即溶。
底部面包用嚟索油。
A4 和牛 呢个系厚烧
入口即溶，一啲都唔肥腻。
😭唯一嘅缺点系份量太少喇
之后仲有个薄烧和牛🐮（大约有三旧）
和牛中间包住葱同埋煎香左嘅蒜头。
厚烧同薄烧比较之下，我个人喜欢厚烧多啲。因为牛味较重，相反薄烧主要食到嘅系香葱蒜头味。
✨白酒煮蚬汤
虽然得四、五只蚬，但汤底吸收晒啲蚬肉嘅鲜甜味😋配上淡淡酒香，好味！
饭用牛油炒，炒到粒粒分明、有嚼劲。
最后仲有个雪糕同埋焦糖多士作为总结。
焦糖多士实在太好食，好食到我唔记得咗影相🤣
大家一定要留肚食❤️
总括黎讲，人均消费1500有点贵，食物可接受但未到有惊喜。店舖装潢未算十分精致，感觉较亲民。但师傅非常健谈，亦会建议食材嘅食法，呢样加少少分。
🙈个人觉得如果两个人要俾三千蚊，可以有更好嘅选择。
张贴
